«Ирдән уңарга язсын, хатын-кыз бәхете – ирдән». Кайсы гына ана буй җиткереп килгән кызына карап шулай дип теләми икән. Җаннан ярылып чыккан балаңны кемнеңдер рәнҗетеп яшәвен куркыныч төштә дә күрергә язмасын. Шуңа да, мөгаен, һәр ана булачак киявен энә күзеннән кичерәдер. (Дөрес, тормыш күрмәгән, күзе мәхәббәт белән томаланган кыз әнисенең «тикшерүен» гаеп итәргә дә мөмкин әле.) Борчылырлык урын да бар: өй золымы хакында еш ишетелеп тора. Үзен идеаль ир-ат итеп күрсәткән нарцисс-золымчыны ничек танырга? Аның белән мөнәсәбәтләргә нокта куяр өчен каян көч табарга? Әлеге сорауларга җавап эзлибез.
