Милләт киләчәген ул инде мәктәп балаларында күрә. Җәмәгать эшләренә тартыла торган зиһенле, иманлы, нык рухлы 12–14 яшьлекләр белән мәктәпләрдә татар җәмгыяте оештыру, Мәскәү янында татар бистәсе төзеп, татар мәктәпләре, клублар ачу хыялы белән яна. «Аулак өй»ләр, «Аксакаллар шурасы», «Татар мафиясе», «Гиппократ» клублары – барысын да колачлый ул. Һәм һәркайсында «мин татар» гыйбарәсе 100 тапкыр гына да кабатланмыйдыр! Менә шундый тренинг! Әйдәгез, Рөстәм ЯМАЛЕЕВның үзен тыңлыйк, бу затлы татар шәхесе белән якыннанрак танышыйк.
