Луиза – мәктәп елларыннан ук җитлеккән шигырьләре белән әдәбиятка килеп кергән шагыйрә. 1998 елда, Питрәч районы Янсуар мәктәбен тәмамлаганда ук «Күзен ача умырзая» исемле шигырь китабы дөнья күрә. Аннары шигырь сөю-челәрне «Болан кызы», «Мин күкләргә кайтам», «Без җан өргән учак», «Сөт» китаплары белән сөендерә. Анна Ахматова, Белла Ахмадуллина, Борис Пастер-нак, Сергей Есенин, Федерико Гарсиа Лорка, Рэй Брэдбери әсәрләрен тәрҗемә итә. Саҗидә Сөләйманова исемендәге әдәби премия, «Белла» халыкара премия-се, Муса Җәлил исемендәге республика премиясе лауреаты. Иң соңгы уңыш-ларының берсе – «Минем чәчем җиде толым» тарихи-биографик романы. «Мин язмыйча тора алмыйм. Бу минем галәм белән диалогымның бер форма-сы», – дигән сүзләре үзен дә, иҗатын да тирәнрәк аңларга ярдәм итә.
