Чаллыдан интернет аша бер кочак шигырьләр килеп төште. Хисле, ихлас, һәр юлына ярату сеңгән... Авторы – Рафис Мингалиев. Кызыксына башладык: кем ул, кайдан? Әлки районы Иске Камка егете икән. Мәктәп елларыннан ук яза. Әлки районы газетасында да, Чаллыга күчеп килгәч, Тукай районыныкында да язмалары, шигырьләре күренә башлый. Рафисның кайбер шигырьләре инде җырга күчкән.