8 май 2025 яңалыклары

Дөньяда 46 миллионнан артык кеше Альцгеймер авыруыннан интегә. Галимнәр фаразлавынча, 2050 елга бу сан 131 миллионнан да артып китәчәк. Баш мие эшчәнлеген картаюдан саклау медицина өчен әле дә зур кыенлык булып кала. Хәзерге вакытта бу куркыныч авырудан саклануның иң нәтиҗәле ысулы – профилактика.

Бүген Казанда, «Яшьләр» скверында язучы, шагыйрь, журналист, хәрби офицер Фатих Кәримгә һәйкәл ачу тантанасы булды. Һәйкәлнең авторлары – скульптор Денис Мельников һәм Захар Карамян.

Мошенниклар юл штрафлары белән бәйле ялган квитанцияләр тарата башлаган.

Татарстан Республикасы Министрлар Кабинеты-ның Гражданлык хәле актларын теркәү идарәсе оештырган «Мәхәббәт җиңүгә китерә» фотопроекты Бөек Ватан сугышы фронтовикларының мәхәббәт тарихларына багышланган. Ә аларның мәхәббәте бары берәү һәм гомерлек! Күргәзмәдәге тарихлар арасында ярты гасырдан артык, хәтта 75 ел бергә яшәгән гаиләләр бар. Димәк, сынаулар мәхәббәт көчен, гаилә кадерен сакларга өйрәткән. Бүген аларның хикмәтле тормышлары, тугрылыклы мәхәббәтләре безгә зур үрнәк. Проекттагы гаилә тарихларын сезгә дә тәкъдим итәбез.

Әбиле йортта үстек без. Ипи валчыкларын кул белән кадерләп җыйган йортта... Карбыз да арыш ипие белән генә тәмле... Бәрәңгенең дә кабыклысы... «Йокы да ястык сорамый», бүрегеңне баш астына салу да җитә икән... Йокы төшкәч ятып йоклау мөмкинлеге – үзе зур бәхет икән ләбаса! Әбинең өебез баскычында тар гына кара бүреген баш астына салып ятып тору гадәте без – оныкларга кызык тоела иде: «Өйдә рәхәтрәк бит, әби, нишләп монда ятасың?!» Үскәч кенә аңладык – бу гадәтләрнең барысы да тирән мәгънәгә ия булган. Ачлык, сугыш һәм сугыштан соңгы авыр елларны узган әби-бабайлар гына белгән тыныч йокының, бер кисәк ипинең һәм бәрәңге кабыгының кадерен!