Сарымсакның ике сортотипка бүленүен беләсез инде. Аның кышкысы һәм җәйгесе була. Кышкы сарымсак эре булып үсә, ләкин артык озак сакланмый. Ә менә җәйге сарымсак ваграк булса да, яхшылап киптерсәң, икешәр ел бозылмыйча саклана ала. Кышкы сарымсак орлык сабагы чыгара һәм аны өзеп алганда гына эре булып үсә. Җәйге сарымсакның беренче елны орлык сабагы булмый. Бу ике төрле сарымсак тәм белән дә аерыла. Җәйгесе, гадәттә, ачырак була.
