Лариса Марданова – талантлы удмурт язучысы. Ул 1976 елда Удмуртиянең Алнаш районында, Югары Асан авылында туа. 3 нче класста ук беренче мәкаләләрен яза. 1997 елда Удмурт дәүләт университетының филология факультетын тәмамлагач, аспирантурада укый, Удмуртия Язучылар берлегендә эшли. Ижевскида яшәгәндә фольклор, әдәбият белеме белән мавыга, яшь журналистларның остазы була. 2003 елда А. М. Горький исемендәге Әдәбият институтында Югары әдәби курсларда белем ала. Шигырь, хикәяләре башкорт, чуваш, карел, белорус, швед, эстон телләренә тәрҗемә ителә. Бүгенге көндә Мәскәүдә яшәп иҗат итә. 2026 елда рус телендә «Игры бабочек» китабы басылып чыга. «Удмуртларда күбәләк – яңалык, үзгәрешләр символы. Китап укучылар тормышында да һәрвакыт матур үзгәрешләр булып торсын», – ди автор.
