Әхәт Гаффарның бүген кинәт йөрәге тибүдән туктады

Танылган язучы һәм драматург, Татарстанның атказанган сәнгать эшлеклесе Әхәт Гаффарның бүген кинәт йөрәге тибүдән туктады.

Без аның Балык Бистәсенең атаклы Олы Әшнәгеннән икәнен дә беләбез. (Өч бертуган Әхәт, Ренат, Рәкыйп Гаффарлар татар матбугатының асыл егетләре булдылар!) Әхәт абыйның «Яшь ленинчы», «Социалистик Татарстан» газеталары, «Казан утлары» журналы редакцияләрендә эшләп йөргән көннәрен хәтерлибез. «Әҗәт», «Яра», «Язлар моңы» әсәрләре, «Җиләк вакыты бер генә», «Бер картлыкта, бер яшьлектә», «Соңгы ләкләк» пьесалары белән ул киң катлау укучыга, тамашачыга танылды.

Әхәт абый Гаффар безнең өчен аеруча үз, якын иде. «Сөембикә» редакциясендә кече кызы Сөмбел эшләве белән бик горурлана иде ул. Олы кызы Ләйлә дә журналистика аша тәрҗемәчелек эшенә килде. Мәрхүмә күренекле галимә Фәридә Гаффар белән Әхәт абый милләтебезгә хезмәт итүче асыл кызлар тәрбияләп үстерделәр.

Әхәт абый бу дөньяга 1 гыйнварда аваз салып, 1 гыйнварда бакыйлыкка күчте.

Кызы Сөмбель Гаффарова Инстаграмдагы аккаунтында хәбәр иткәнчә: «Әтиебез үлде. Моның хакта язуы авыр. Сүзләр таба алмыйм. Күренекле язучы Әхәт Гаффар белән хушлашу урынын һәм вакытын соңрак хәбәр итермен. Догада булыгыз, зинһар, шуны гына сорыйм. Ләйлә апам белән ятим калдык».

Кызлары Ләйлә белән Сөмбелнең, туганнарының авыр кайгысын уртаклашабыз.

Татар әдәбияты өчен дә, халкыбыз өчен дә зур югалту...

Әхәт Гаффарның хикәяләрен укырга: 

«Тәңре юлында»: http://syuyumbike.ru/news/proza/tre-yulynda

«Тимер аяк»: http://syuyumbike.ru/news/proza/timer-ayak

«Тентү»: http://syuyumbike.ru/news/proza/tent

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...