Г. Камал театры артисты Әзһәр Шакиров тормышыннан кызыклы фактлар

1. 1940 елның 22 февралендә Азнакай районы Ташлыяр авылында туа.

2. Г. Камал театрында уйный башлавына 2021 елда 60 ел була.

3. Татарстанның һәм Россиянең халык артисты, Г. Тукай премиясе лауреаты.

Артистка Нәҗибә Ихсанованың авылдашы, классташы.

4. Мәскәүдә Щепкин исемендәге театр училищесында укыганда гына чын театрны, тере артистларны күрә.

5. "Күктау", "Бөркетләр", "Зөләйха" татар фильмнарында уйный.

6. Үз тормышы турында "Язмыш" китабын яза.

7. "Ак чәчәкләр" телефильмында профессор Әбүзәр Таһиров роле белән табибларның мәхәббәтен казана.

8. Театрда эшләү дәверендә 150 дән артык роль уйный.

9. Хисчән рольләр башкарганга "елак артист" дигән кушамат тагалар.

10. Юкка чыккан авылының зиратын яңадан эшләтеп җибәрә.

11. Күтәрелеп китүенә телевидение ярдәм итте дип саный.

12. Аның турында үзсүзле, үҗәт, буйсынырга яратмый торган артист диләр.

13. Иң карт кешеләрне уйнауны һәрчак аңа тапшыралар.

14. Төркиягә гастрольләр белән баргач, башка әләмнәр арасында Татарстанныкын да күреп, күзләренә яшьләр килә.

15. Милләт язмышына кагылышлы һәр чарада ул актив катнаша.

Эльмира Закирова әзерләде.