Улым

Улым

Эчем тулы ут бит минем,
Эчем тулы яра.
Тән ярасы - ярамыни?
Җан ярасы - яна!

Төнге кара сискәнүләр
Йөрәгемне яра.
Бар шәмдәлләр сүнеп беткән
Өмет утым яна...

Шул утымның яктылары
Төшсен улкаема.
Мин сискәнеп карап үтәм
Һәрбер ак каенга.

Куркып китәм аклыгыннан,
Куркам синнән, аклык.
Улым туды...
Аһ улкаем,
Кайгыммы син...
шатлык?

Эчем яна,
Җаным яна,
Яна бөтен дөнья.
Яшәү уты сал, Ходаем,
Улым, улкаема...
1996 ел, 5 декабрь.
 

Өмет

Ике-икең биш булганны көтәм -
Төш булганын көтәм өнемнең.
Шәфәкъләрдән өмет нуры эзләп,
Көн булганын көтәм төнемнең.

Салкын карлар гөрләвекләр булып,
Агып китәр төсле шау килеп.
Кайгыларны безнең,
Әрнүләрне

Алып китәр төсле дау килеп.
Хыялларның чын булганын көтәм,
Таң булганын көтәм кичләрнең.
Ике икең биш булганны көтәм.
Ә дүрт кенә булса... нишләрмен?!
1996 ел, 18 гыйнвар.
 

* * *

Урамнарда йөрдем авыр сулап
Баласын җуйган болан эзеннән...
(Халык җыры)


Күз яше күк язгы сулар төшәр
Болан белән минем эземә.
Качып китмә,
Китмә ешлыкларга!
Мин кычкырам шулай үземә.
Мин үземнән үзем качып барам.
Һәм туктата алмыйм үземне.
Боланкаем,
Кайтмас колынкаең
Өзелсә дә җаның, түз инде.

Һәр яз саен эзгә сулар төшәр,
Мөлдерәмә торыр күзләрең.
Түзмәгәннең тамар ачы яше,
Бәгырьләре өзелер түзгәннең.

Түзә-түзә эзләреңнән атлыйм,
Колыннарын җуйган болан без.
Уймак-уймак тояк уемына
Язгы сулар булып тулганбыз.
1997 ел.
 

* * *

Ап-ак ташың.
Ап-ак кабер ташың.
Яшәлмичә калган гомеркәең.
Ак ташыңа авыр башым куям,
Аһ, улкаем минем, бәгырькәем!

Ап-ак юллар,
Ап-ак юллар чәчтә —
Син үтмичә калган юллар сыман.
Мин еламыйм инде,
Минем өчен.
Һәр көз ак каеннар елар сыман.

Ап-ак өмет,
Ап-ак өмет идең.
Өметләрнең булмый каралары.
Кара упкын булып убыла тик
Төзәлмәслек йөрәк яралары.

Ап-ак ташың.
Ап-ак кабер ташың.
Яшәлмичә калган гомеркәең.
Минем җанымның да бер өлеше
Синең белән китте, бәгырькәем.
1997 ел,  май.

 

* * *

Бүген синең туган көнең, улым.
Кулларыма алып сөяр идем,
Бәхетле бул, балам, дияр идем,
Почык борыныңнан үбәр идем,
Идем, идем, идем...

Юк шул син.
Аһ, улкаем,
Оҗмах кошым минем,

Очрашырбыз башка киңлекләрдә.
Оҗмах ишекләре ачык, диләр,
Җирдә янган минем кебекләргә.
Тәмуг утларының ялкыннары К
апкан инде йөрәгемә минем,
Күрешербез башка киңлекләрдә...
Бәхил, улым!
Бүген туган көнең...
1997 ел, 25 ноябрь.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 30 март 2020 - 18:48
    Без имени
    Сабырлыклар сезгә!
Хәзер укыйлар
Реклама
Соңгы комментарийлар
  • 16 гыйнвар 2021 - 17:49
    Без имени
    Энвэр бик вакытлы гаилэ корган. Кулдан кулга йоргэн хатын-кыз ана тин була алмас иде дип уйлыйм.
    Тиң ярым һәрвакыт янымда булган 
  • 18 гыйнвар 2021 - 19:50
    Без имени
    Сезнең хикәяләр , шигыйрьләрегез күпләрнекеннән өстен , бүген яза торганнардан ! Яңа үрләргә менәргә насыйп булсын . Илһам чишмәседәй челтерәп аксын иҗатыгыз
    Алсу күзлек
  • 18 гыйнвар 2021 - 21:54
    Без имени
    Жинел укыла, табигатнен матурлыгын Бик оста тасфирлагансыз, унышлар телимен!!!
    Ник ашыктың?
  • 20 гыйнвар 2021 - 15:10
    Без имени
    Гаеп итмэгез яратмаган ул сезне , яраткан яры булса гафу итэ ул, чын хэл булсада.Хатыгызны укыгач уз хэллэрем исеиэ тошеп ярсуландым, минем ирем улгэндэ эйтте мин сине яратмыйча яшэдем дип ,эле ничек аны искэ алырга яхшы иде диеп,нибар яхшы лыкларын оныттыды.Яратса кеошедэндэ суз тидертми, узе дэ эйтми.Нишлэргэне узегез хэл итегез гонахка баьмагыз, кын,гыр эш бик тиз беленэ ул.
    Ирем гомер буе, «кыз түгел идең», диде
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...