Бүген без шагыйрә Илсөяр Иксанова хозурында. Әнә тәрәзләренә кыш бизәк сарган, Казанын ак буран күмгән. Әкияттәй серле тылсымлы кич… Ә без әйтерсең бөтенләй башка дөньяда – Җир белән Күк арасында! Җирнең сәях бер юлчысына, самим бер кызына ияреп, каурый болыт булып күккә ашабыз, тамчы булып гөлгә тамабыз... Җәяүле бураннар белән узышып, язга ашкынабыз, зәңгәр күзле кыңгырауларны сагынабыз. Шагыйрәнең хыял тулы, хисләр тулы халәтен үзебезнең җанга күчерәбез.
