"Чәчүне удаленно чәчәбез..." Авыл хәбәрләре. Көндәлек 05.04.2020


Аллага шөкер, дөньялар иркенәеп китте, чикләр ачыла төште сыман. Смс-код алдык та, күрше районда яшәүче әниемнәргә яшәргә күчендек. Ике сәгать вакыт бирелгән иде, сыештык!


Иртә. 05:00. Аш бүлмәсендә тормыш кайный. Чәйнек шырлаганы ишетелә, идәнне шыгырдатмаска тырышып, әти чыгып-кереп йөри. Пышылдап сөйләшсәләр дә, тавышларында шом сизелә, нигәдер борчылалар сыман... Ни булды икән?! Түзеп ята алмыйм, алар янына чыгам. Чыннан да, зур яңалык бар икән бит! Таң алдыннан гына сыер нәни пути алып кайткан. Пути - бозау дигән сүз ул бездә. Балаларга шулай аңлаталар: сыер пути алып кайткан. Иртән торгач, балалар курткаларын гына элделәр дә пути карарга йөгерделәр. Сыйпадылар да, колагыннан да тотып карадылар нәни бозауны. Аннан бүлеш башланды: миңа була да, миңа! "Казанга аппитәбез! Икебезгә дә була!" –  дип Саҗидә карар чыгаргач, тынычландылар тагы. Дәү әниләре күкәй җыеп керергә чакыргач, бозау яныннан йөгереп чыгып та киттеләр. Шәһәргә китми калганына бәхетле булган пути әнисен имәргә кереште. Тавыклар язгы кояштан мәлҗерәп җырлый, чыпчыклар, песнәкләр аларга салган бодайны урлаша, сыерлар мөгери... Маска киючеләр күренми. Авыл үз иркендә. Рәхәт. Бакчада туфрак өлгерсә дә, әле салкыннар булыр, дип, утыртмыйча торалар. Шулай да, тик утыра алмыйм мин, дип, әни кишер чәчеп куйды. Күрше апасы шалтырата, шәһәрдә коронавирустан халык кырыла икән, ничек исән-сау кайтып җитә алдыгыз, ди... Ни диим?! Телевизорны ачсаң  – шуның турында гына сөйлиләр бит! Кая карама куркыныч! Вирус йөри! Менә җитмешен тутырып килүче күршем үзенә күрә нәтиҗә дә ясап куйган. Авылда информация басымы юк. Монда әле табигый инстинктлар идарә итә. Шуңа да җиңелрәк, рәхәтрәк. Үзең теләп телевизорны кабызып яңалыклар карамасаң –  берни белми яшәп ятасың... Хәер, район газетасы килә. Аңа да бу вирус турындагы информация кереп ияләгән. Арт бакчадан гына чыгып, тауга күтәреләм. Горизонтта – иркен кырлар! Урман ягында чәчү чәчәләр. Ә-ә-әнә теге зәңгәр трактор – Альбертныкыдыр әле. Альберт – авылда калган уңган классташым ул. Тракторда эшли. Бар күңеле белән җир эшенә бирелгән бик тәртипле егет. Кайчан карама, колхоз эшендә. Ватсаптагы классташлар төркеменә мәзәк шигырьләр җибәреп торучы да, әче шоколадның файдасы турында язучы да, кырлардан фотолар җибәреп торучы да ул. Үзизоляция турында сөйләшә башлагач, Альберттан да хәбәр килеп төште: "...чәчүне удаленно чәчәбез!" дип шаярткан иде ул. Мәзәк итеп язганын белеп торсам да, күңел әллә нишләп китте. Иген кырларына ук барып җитмәсен иде инде бу күренешләр! Каян чыккан –шунда китсен, дип әйтү дә дөрес булмас... Ничек тиз килеп чыкса, шулай тиз генә бетсен иде бу яман вирус! Чәчүләрне туктатырлык яман хәлләрдән Алла сакласын менә! Кырлар тутырып иген чәчәргә чыкканнар икән, димәк, тормыш дәвам итә. Нәкъ бүгенгедәй тургайлар сайрап торсын!
Кырлар иген белән тулы булсын! Чәчүгә чыгу, урак өсте мәшәкатьләре туктамасын ул! Һәр яз саен ап-ак кар астыннан исән-сау чыккан яшел уҗымнарны күреп сөенергә язсын, илләр-көннәр имин булсын берүк!
Илһам Шакиров җырындагыча:
Саф торсын ил күге,
Игеннәр уңсын.
Дөньяда кешеләр
Бәхетле булсын!

 

Беренче көн: http://syuyumbike.ru/news/otkrovenie/saklanganny-saklarmyn

Икенче көн: http://syuyumbike.ru/news/otkrovenie/koronavirusly-tormysh-yaa-chynbarlyk-kndlek-ikenche-kn-29032020

Өченче көн: http://syuyumbike.ru/news/otkrovenie/avyl-bakcha-izolyatsiya-kchya-kndlek-ochenche-kn-30032020

Дүртенче көн: http://syuyumbike.ru/news/otkrovenie/vatyk-kompyuter-m-batareykalar-kndlek-drtenche-kn-31032020

Бишенче көн: http://syuyumbike.ru/news/otkrovenie/berenche-aprel-shayartuy-gyna-bulsachy-kndlek-5-nche-kn-01042020

Алтынчы көн: http://syuyumbike.ru/news/otkrovenie/million-dollar-otsam-ide-dip-telise-kalgan-ikn-kndlek-altynchy-kn-0204-2020

Җиденче көн: http://syuyumbike.ru/news/otkrovenie/tels-shatlyklar-tabyla-kndlek-03042020

Сигезенче көнhttp://syuyumbike.ru/news/otkrovenie/khalykta-nrs-kulty-kndlek-sigezenche-kn-04042020

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7339
    1
    65
  • 7133
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5001
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7157
    1
    49
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»