Беренче апрель шаяртуы гына булсачы! (Көндәлек). 5 нче көн: 01.04.2020

«Сөембикә» журналы редакциясе хезмәткәрләре дә алдагы атнадан өйдә эшләүгә күчә. Эш тукталмый: апрель саныбыз инде басылып ята, бу көннәрдә май санын әзерлибез. 
Өйдән чыгарга ярамый торган атнаны без инде дүшәмбене көтмичә, шимбәдән үк башладык.  
Аны ничек җиңелрәк уздырырга, өйдә утыруны, өйдә эшләүне ничек оештырырга, аның өстенлекләре һәм кимчелекләре, коронавирустан ничек сакланырга – безнең журналистлар бу көндәлектә шул хакта язачак. 

Минем көндәлек битләре 1 апрельдә күбрәк язылды бугай. Хаос, буталчык уйлар, ностальгия, күп нокталар… Күп нокталарны журналистикада тәмамланмаган фикер дип, аның белән бик мавыкмаска кушалар да соң… Көндәлек, хатларда ансыз булмый ул.


1 апрельне көлке көне, алдау көне дип йөри идек гел. Якын дусларны юри шаярткалап ала идек. Хм-мм… Ватсапта иртән андый котлаулар да күренде анысы. Ваемсыз чакларны искә төшереп елмаеп куйдым.  Их, хәзерге көннәребез дә беренче апрель шаяртуы гына булсачы!.. 


 Ә без бишенче көн инде өйдә! Юк-юк, тик ятмыйбыз анысы. Журналист өчен яллар юк. Май саны өчен материал язасы, сайт өчен яңалык әзерлисе, коллегаларның номерга әзерләгән язмаларын электрон почтадан укыйсы, онлайн-летучкада утырасы… Кара, өйдә эшләүнең плюслары да бар икән: иртүк торып эшкә чабасы юк! Кайчан тәрәзәләр юар идем, китапларны тәртипкә салыр идем! Моңарчы карый алмаган телевизор көне буе эшләп утыра! Иртәнге 4 кә кадәр кино карадым. Станислав Говорухинныкы. «Конец прекрасной эпохи». (Иосиф Бродскийның шундый шигырь юллары бар…) Шәп! Журналистлар турында! 70 нче еллар. Сергей Довлатовның «Компромисс» әсәре буенча. Белла Ахмадуллина, Высоцкий, Иосиф Бродскийлар… Довлатовның Ленинградтан Таллинга күчкән чаклары. «Вечерний Таллин», «Советская Эстония» газеталарында эшләгән чоры…  Менә ул кайда кызыклы һәм үзенчәлекле совет журналистикасы заманнары! Андрей Лентуловның прототибын Долматовны Иван Колесников уйный. Сергей Гармаш, Светлана Ходченковалар…
Иртән торуга Сергей Довлатов китапларын барлый башладым. «Речь без повода… или Колонка редактора» – минем яраткан китабым. «Марш одиноких», «Ремесло», «Заповедник», «Записные книжки»… Һәм менә ул «Компромисс»! Монда кызык истәлекләр, байкалар. Юмор белән язылган. Эштәге кызларга да укытырга кирәк булыр. Беләм инде, иң беренче булып Чулпан сораячак!


Кәеф күтәрелеп, карабодай боткасы пешерергә куям. Тәрәзәгә күз салам: бер кеше үтеп китте… Тагын берәү… 
Ә телевизордан, мәгълүмат агентлыкларыннан  яңалыклар ташкын булып агыла.
АКШка гуманитар ярдәм белән очучы Россия оборона министрлыгының «Руслан» хәрби самолеты турында сөйлиләр...


Путин белән Трампның телефоннан сөйләшүен хәбәр итәләр…
«Коммунарка»ның баш табибы Денис Проценкога коронавирус йоккан...
Лев Лещенконың хәле бер яхшыра, бер начарая. (Яхшырсын иде берүк!)
Аптекада һаман маскалар юк. Үзебез ясарга булдык.
Күрше Гөлзада шалтырата, миндә маскалар бар, хаҗга барганда күпләп алып куйган идем, кирәк булса бирәм, ди. Әле очрашырга вакыт юк. Маскага чыгарга да куркам.


 Китаплар актара башлаган идем, шул дөньяга кереп чумдым. Француз, итальян, чегән, немец әкиятләре, Европа халыкларыныкы, татар халык әкиятләре… Шул тылсымлы  әкиятләргә күпме халыкның зирәк акылы сыйган! Күзем журналистикага, сәясәткә  караган китаплар рәтен йөгереп узды. Владимир Гиляровский,  Хемингуэй, Аграновский, Познер, Леонид Шинкарев,  Инна Руденко, Альберт Плутник, Юрий Щекочихин, Александр Минкин, Марсель Зарипов…  яңа китаплардан Шамил Идиатуллинныкылар..
Телефон шалтырый. Чаллыдан Назимә апа Закирова икән. (Минем фамилиядәш.) «Ел хатын-кызы» республика конкурсында «Өченче буын героинясы» номинациясендә җиңгән апа. Тавышы шундый көр чыга!  «Сөембикә»дә үзе турында язганнарыбызны укып сөенгән, рәхмәт әйтә.


Бу көннәрдә авылга кайтырга да хыялланган идем дә… Булмады инде! Юлларга чыкмаска куштылар. Ватсап аша классташлар белән аралашабыз. Әлфия яза: «Мин авылда. Колхозда чәчүгә әзерләнәләр. Урамда тынлык. Полиция рупордан кисәтеп йөрде. Халык магазиннан азык-төлек ташый».
Университетта бергә укыган группадашлар Тайландтан кайталмый калган дустыбыз өчен борчыла.1 апрельдә  очарга тиешләр иде,  Аэрофлот рейсны майга кадәр кичектергән, ди. Тайландтан мондый җавап килә: «Борчылмагыз, монда җылы, кояш…» 


Коронавирус дигән сүз шундый туйдырды! Фирая белән тел турында, игъланнардагы хаталар турында сөйләшеп алабыз. «Сухая река»ны «Елга корый» дип, «Серп и молот» тукталышын «Урак һәм Тартылган урам» дип язганнар. «Улица Рабкоров»ны «Кол сыерлар урамы» дип тәрҗемә иткәннәрен беләсеңме?»  дип көлдерә Фирая. Менә сиңа көлке көне!..


Аннары сүз тагын карантинга күчә дә, Пушкинның холерадан карантин вакытында Болдинода язган матур шигырьләре турында сөйләшә башлыйбыз.


Телевизор эшләп тора, классташлар ватсаптан шигырь, җырлар юллый. Мин Раиләнең, Гөлнурның алдагы сан өчен язмаларын укыйм. (Журнал алдыручылар да  яратып укыячак!)
 Көндезгә токмачлы аш, кичкә – табада кыздырган бәрәңге.


«Время»дан соң сериал башлана. «Заступники». Яшь адвокат Нина Метлицкая турында. Карыйсызмы?
Сериал бетүгә «ДокТок» тапшыруы башлана. Журналист Александр Гордон бер төркем вирусологлар, эпидемиологлар белән пандемиягә каршы көрәш турында сөйли. АКШны, Италияне күрсәтәләр. Үзебездәге хәлләр турында җиткерәләр. «Күптән түгел Япониядә булган идем. Сүзләрен истә калдырырга бик тырышсам да, булмады. Ә берсен – «сидикатыдома» дигәнен хәтердә калдырдым», – ди Гордон. Ни әйтергә теләгәнен аңлагансыздыр…


…Сәгать төнге 1. Беренче апрель инде кичә иде…   
        

Беренче көн: http://syuyumbike.ru/news/otkrovenie/saklanganny-saklarmyn

Икенче көн: http://syuyumbike.ru/news/arabyzdan-berebez/koronavirusly-tormysh-yaa-chynbarlyk-kndlek-ikenche-kn-29032020

Өченче көн: http://syuyumbike.ru/news/arabyzdan-berebez/avyl-bakcha-izolyatsiya-kchya-kndlek-ochenche-kn-30032020

Дүртенче көн: http://syuyumbike.ru/news/arabyzdan-berebez/vatyk-kompyuter-m-batareykalar-kndlek-drtenche-kn-31032020


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 2 апрель 2020 - 15:37
    Без имени
    И-и, Эльмира, ничә эш өстәдең! 😂 Бу киноны да карыйсы килә хәзер, син санаган китапларны да укыйсы...
Хәзер укыйлар
  • 7348
    1
    65
  • 7142
    0
    58
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7170
    1
    50
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5013
    2
    50
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»