Укучыларның яраткан апасы (укырга)

Мәдинә ханым редакциябезгә үзе килеп керде. «Сөембикә»не 90 яшьлек Әлфия апам бик яратып укый, ул җибәрде мине сезгә», – диде ул, һәм сумкасыннан 1962 елгы «Азат хатын» журналын чыгарды. Сентябрь тышлыгыннан япь-яшь кыз – Казандагы 53 нче мәктәпнең башлангыч сыйныф укытучысы Мәдинә Закирова елмая...

Мәдинә Ганиевна Гарипова (бүгенге фамилиясе хәзер шундый) – 46 еллык педагогик стажлы хезмәт ветераны, «Һөнәренә тугрылык өчен» медаль иясе. Балачактан ук педагог булырга хыялланган ул. Казанның 5 нче мәктәбен
тәмамлагач, укуын Арча педагогика көллиятендә дәвам итә. Үзе белем алган мәктәптә 20 елдан артык укыту бәхете дә насыйп булган аңа. Хәтта үзе укыган чактагы директор Анатолий Авксентьев кул астында эшләгән.

Узган елның декабрендә 80 яшьлек юбилеен үткәргән Мәдинә апалар буыны сугыш елларын, зур төзелешләр, югары идеяләр чорларын кичкән. «Иң истә калганы – сиреналар тавышы, – дип сөйли ул. – Дошман самолетлары Зөягә
якынлаша башласа, хәвеф сиреналары кычкырта башлый. Тәрәзәләрне томалап яшәүләр, ипи карточкалары – барысы да истә».

Казанның ул чактагы «Дегтярная» урамы аның балачагы, яшьлеге эзләрен саклаган урын. Бүген бу тирәләрдә «Казанның меңьеллыгы паркы» урнашкан. Мәдинә апа күңелендәге хатирәләрне яңарта: «Хәзерге Казан белән ул
еллардагысы икесе ике шәһәр кебек. Әле дә альбомымда бер фото саклана – мин анда телогрейкадан, иңемдә көянтә-чиләкләр. Без үскән ике катлы агач йорт, яшел чирәмле ишегалды, су коенган, кер чайкаган Кабан буйлары гел күз
алдымда. Җәй челләсендә бөтен күршеләр белән ишегалдында төн кунабыз... Ишекләрнең дә бикләре булмады...»

Кабат 1962 елга әйләнеп кайтыйк әле. Мәдинә апа «Азат хатын» тышлыгында чыгу тарихын сөйли. «Уку елы ахырында мәктәпкә РОНО инспекторы килгән иде. Минем дә дәресемә кереп утырды. Күпмедер вакыттан соң мәктәп
директоры өйгә үзе килгән: сине фотога төшерергә чакырталар, ди. Дачага барырга әзерләнеп йөргән чагым иде. Җәйге сарафаннан, кулыма кәрзин тотып, килешенгән урынга – Черек күл паркына киттем. 1962 елның сентябрь
тышлыгындагы рәсем – әнә шул көнне төшкән фото. Гомерем буе түр стенамда эленеп торды ул. Ул чакта күпме хат алганымны белсәгез! Көн дә эшкә килүемә ике-өч хат көтә иде. Күбрәк егетләр яза – танышырга телиләр, араларында солдатлар да бар, хәтта җәза үтәтү урыныннан да яздылар...»

Мәдинә Ганиевна гомере буе һөнәренә тугры кала. Лаеклы ялга чыккач та, тагын 12 ел эшен дәвам итә. «Әле дә актив булырга тырышам. Вахитов районының Ветераннар советына йөрим, дус кызларымның хәлләрен белешеп
торам. Ахирәтләремнең йомышларын үтәп, кирәк-яракларын алып кайта алуыма да куанам. «Инстаграм»ны үзләштерәм, видеога, фотога төшерергә өйрәнәм», – дип елмая ул. Кайчак, сагышланып, вакытсыз югалткан бердәнбер
кызын сагынып ямансуласа да, оныгының уңышларына куанып, яңалыкка омтылып, аралашудан тәм табып яши Мәдинә ханым.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7634
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5453
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7502
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3790
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»