4 октябрь 2026 яңалыклары

Хаксызлыкны күреп ярсыйм, шашам, / Матурлыкны күреп тезләнәм. Йә дөньяны үзгәртәм мин бүген, / Йә булмаса / Үзем үзгәрәм... Разил абый Вәлиевне шигырь юлларыннан ук таныгансыздыр, мөгаен: кыю, кайнар, хисле! Аның җырга әйләнеп киткән шигырьләрен сайладык. Сез яратып җырлый, яратып тыңлый торганнарын! Һәркайсы үз моңы, үз аһәңнәре белән чиртсен әле күңел кылларын!..

Абазин язучысы Роза Хамиш кызы Пазова 1953 елда Карачай-Чиркәс Республикасының Кубина авылында туа. Педагогика институтын тәмамлап, физика-математика укытучысы дипломы ала. Чечен-Ингуш Республикасының Самашки, туган авылы Кубина мәктәпләрендә математика, физика, сызым, рәсем, этика дәресләре алып бара, директор урынбасары булып эшли. Төгәл фәннәр белән мавыгуы язучы, журналист булып китәргә дә комачауламый. Аның турында талантлы язучы, шәп журналист диләр. «Абазашта» газетасының үз хәбәрчесе булып, туган авылы, катлаулы язмышлы авылдашлары турында яза. Ихлас, киң күңелле геройларының психологик кичерешләрен оста итеп тасвирлый. Күп язмалары «Дни моего аула» китабында урын ала. «Верность» китабы исә – билингваль басма: абазин һәм рус телләрендәге хикәяләре гади, матур, аңлаешлы тел белән язылган.

Дания ЗАҺИДУЛЛИНА... Күренекле әдәбият галиме һәм тәнкыйтьче, татар әдәбият беле­ме буенча бердәнбер хатын-кыз академик, филология фәннәре докторы, дәреслекләр, фәнни хезмәтләр авторы, татар әдәбиятында постмодернизм, модернизм юнәлешен тикшереп, безнең әдәбиятта да аның барлыгын раслаган галимә. Язучылар берлеге әгъзасы. Җ. Вәлиди, И. Юзеев исемендәге әдәби премияләр лауреаты. Менә шундый киңкырлы шәхес.