23 сентябрь 2026 яңалыклары

Белмим, никтер Екатерина патша исеме безгә кечкенәдән үк сеңеп калган. Авылыбыз Уфа–Казан юлында утыргангамы, ул юлны Екатерина патша үткән юл дип тә сөйлиләр, Минзәлә янындагы чуен күперне дә «Екатерина патша күпере» дип йөртәләр. 1773–75 еллардагы Крестьян восстаниесеннән соң Екатерина II Минзәлә аша Уфага барырга ниятләгән, имеш. Минзәлә халкы бу вакыйга уңаеннан мәһабәт күпер төзергә тели, әмма патшабикә Минзәләгә килеп җитә алмый... Тарихи чыганак-ларга караганда, күпер 1914 елда ук тимер юл тармагы өчен төзеләсе була, әмма Беренче бөтендөнья сугышы төзелешне тоткарлый. ХХ гасыр башында салынган күпер шәһәрнең символына әйләнә. Халык телендә ул әле дә «Екатерина күпере».

Быел ирем белән өйләнешүебезнең ике еллыгын бәйрәм иттек. Гаиләбез дә, үзебез дә үсәбез. Инде хәзер беренче елдагы хаталарны ясамыйбыз кебек. Ә бит, уйлап карасаң, нәкъ менә шул чор гаилә тормышының юнәлешен билгели. Бер-береңне өйрәнү, бер-береңә ияләнү, уртак дөньяга нигез салу вакыты ул. Һәм ул вакытның үз рәхәте дә, авырлыклары да җитәрлек.

Талантлы язучы һәм журналист Роза Камалетдинова-Мулланурова «Сөембикә» укучылары өчен күптән таныш, үз, якын. Аның әдәбият-сәнгать кешеләре турындагы язмалары, аларның иҗат портретлары һәрчак көтеп алына. Хикәяләре – җылылыгы, матур теле, тормышчан булуы, хатын-кыз кичерешләрен тирән аңлап язылуы белән әсир итә. Язучы әйтерсең оста психолог, төс-буяуларыннан яктылык таралган рәссам, зирәк фәлсәфәче...