Узган елның ноябрь аена республикада 3064 балага инвалидлык билгеләнгән. Бу – 2022 елның шушы вакыты белән чагыштырганда 400 балага күбрәк. Хөкүмәт бинасында узган брифингта «Татарстан Республикасы буенча медицина-социаль экспертизаның баш бюросы» җитәкчесе урынбасары Ольга Пузанова комиссиягә җибә-релгән балалар авыруы арасында психик тайпылышлар беренче урында торуын әйтте. Белгечләр фикеренчә, аутистик спектрда тайпылышлары булган балалар белән никадәр иртәрәк шөгыльләнә башласаң, аларның баш мие шулкадәр яхшырак коррекциягә бирелә. Әле кечкенә, бераз үскәч бөтен билгеләр бетәр дип өметләнеп, проблемадан качарга тыры-шу – кыйммәтле вакытны суга салу белән бер.
