Туңдырманы ничек ашысыз?

Галимнәр фикеренчә, туңдырма кешедәге стресс кичерешләрен басарга ярдәм итүче ризык санала. Туңдырмада нерв системасын тынычландыручы, кәеф кутәруче, йокысызлыктан арындыручы табигый дару булган алыштыргысыз аминокислота (триптофан) бар. Шулай булгач, дару урынына бер өлеш пломбир ашау күпкә яхшырак.
 
Туңдырманы ничек ашыйсыз?
Психологлар фикеренчә, туңдырма ашау ысулы да кеше холкын билгели ала. Мәсәлән...
 
Тешләп
Аларга каты бәгырьлек хас. Беренче карашка тешләп өзәрдәй агрессив күренсә дә, чынлыкта исә үз-узенә ышанмаучан кеше. Ә агрессивлык — ул бары тик үз-үзен саклау ысулы гына.
 
Ялап
Күзәтүчән, сак һәм бик тә әдәпле кеше. Аңа бераз булдыклылык кына җитешеп бетми.
 
Сындыргалап
Туңдырманы болай итеп фәкать шат күңелле, ачык йөзле кеше генә ашый ала. Алар тормышның яхшы якларын гына күреп, бернинди мәшәкатьләрсез, вөҗдан газабы кичермичә җиңел генә яшиләр.
  
Уйланып, теләр-теләмәс кенә
Йомык холыклы, тиз үпкөлөүчөн, кешегә ышанмаучан әмма ихтыяры көчле кеше. Аның канәгатьсезлек пәрдәсен ерта алучы зат үзенә мәрхәмәтле, тирән хисле, тугрылыклы дус табачак.     

Кашык яисә печенье кисәге белән
Сак кеше. Иң элек кешене һәрьяклап, озаклап күзәтә бары тик шуннан соң гына аның белән дуслашырга кирәклеген хәл итә.

 
фото: https://pixabay.com/