Тормыш упкынына очу бик тиз ул, ә менә аннан кире күтәрелеп, яшәп китү, ай-һай, авыр. Кызганыч, җитмәсә, җәмгыять стереотиплар белән яши, кләймәләр сугарга ярата. Кара сакалың кая барсаң да үзеңнән калмый дигән гыйбарә дә тиккә генә яшәми халык арасында. Ә ялгышканнар, көчсезлек күрсәтеп кыек юлга басканнар «кайту юлы»на чыгарга тырышсалар да, янәшәсендә җитәкләп алып баручы булмаса, күп вакыт адашалар йә авырлыкларга кабат бирешәләр. 2017 елда республикада төзелгән социаль юнәлешле коммерцияле булмаган «Татарстан Республикасының Ресоциализация фонды» – наркотик яки алкоголь бәйлелегенә эләккән авыруларны җәмгыятьтә тернәкләндерү буенча Россиядә бердәнбер модель.
