Көз җиттеме, фейхоа җиләге өстәлебезгә менеп кунаклый. Тәмле, файдалы җиләк сезонын ычкындырмыйбыз! Әмма бу җиләк турында күп беләбезме?
* Йөкле хатын-кызларга җимешне артык күп ашарга ярамый, чөнки алар болай да йод препаратлары эчә, зыян килүе бар.
* Фейхоаның кабыгын да ашарга ярый, анда да файдалы элементлар байтак. Әмма гадәттә җимешне урталайга кисеп, эчен чәй кашыгы белән ашыйлар.
* Җимешне үзен генә дә, җиләк-җимеш салатына кушып та ашарга була.
* Фейхоаның кипкән кабыгын чәйгә кушып карагыз әле!
* Фейхоада организмга кирәкле барлык витаминнар да бар диярлек. С витамины күп булуын истә тотыгыз – ОРЗ, грипп эпидемияләре вакытында ярдәме тия!
* Әгәр дә сездә гипертиреоз бар икән, җимешне ашамавыгыз хәерле.
* Диабеттан интегүчеләргә фейхоа сатып алганчы врачтан киңәш алуыгыз яхшырак.
* Фейхоаны сөт белән кушмагыз – ашказан системасына бу бик тә ошамас...
* Бер яшькә кадәрле балаларга ашатырга ярамый!
Ничек сайларга?
* Сытылган-ярылганнарын алмагыз.
* Каты жимешләр эләккән икән, өйдә бүлмә температурасында яткырыгыз. Бер-ике көндә пешеп җитәчәк.
* Артык пешкән җиләкләрне сайламагыз – файдасы да аз, кайнатма да ясый алмассыз.
* Куе яшел кабыклысын сайлагыз. Көрән төстәге таплар җиләк сыйфатын югалтканлыгы турында сөйли.
* Җитешкән фейхоа эче ак, хуш исле, куе желега охшаган була. Төcе саргылт булса да ярый. Ә менә эче көрән төстә булса, димәк, җиләк бозыла башлаган дигән сүз.
* Җиләкнең койрыгы бар икән, димәк аны бик иртә җыйганнар – андыйны алмагыз.
* Фейхоаны иснәп карап сайлагыз, пешкән җиләктән ананас исе килер.
фото: https://pixabay.com/
Следите за самым важным и интересным в Telegram-каналеТатмедиа
Комментарий юк