Елның соңгы көннәре 32 градус белән сыный!

Яңа ел алдыннан һава торышы нинди булачак? Яңа ел чыршысы, Яңа ел бүләкләре, Яңа ел табыны кебек үк бик мөһим бу! Юлга чыгарга җыенучылар бар... Бәйрәм алды ыгы-зыгысында да көннең нинди булуына карап киенәбез... Шунысын да әйтергә кирәк: чын кыш, кар көртләре, чана юллары тансык безгә!

Һәм сезне сөендерергә ашыгабыз: бу елның соңгы ике көнендә температураның төшүе көтелә. Бу хакта Татарстан Республикасы гидрометеоүзәге хәбәр итә. 29 декабрьдә төнлә һәм иртән термометр 16–21 градуска төшәчәк. Аяз һавада -25 булачак.

30 декабрьдә көндез бераз кар явачак. Терекөмеш баганасы төнлә 21–26 градус салкынлыкны күрсәтәчәк. Ә республиканың көнчыгыш районнарында салкынлык -32 градуска җитәчәк. Юлларда бозлавык саклана. Җылы киенеп йөрегез!

Яңа ел төнендә һәм елның беренче көнендә салкыннар чигенә: көн җылыначак!

Җил дә вакытында исеп, кар да вакытында яусын! Урамда чып-чын кыш булсын! Ап-ак карлар сөенеч китерсен!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...