Монреаль татарларын казакълар Нәүрүз бәйрәменә кунакка чакырды

Яз килү белән Монреаль шәһәрендә янә татар моңнары яңгырады. Бу юлы инде – яз белән бергә көтеп алынган шатлыклы Нәүрүз бәйрәмендә. Бу күңелле чарага «Мирас» татар мәдәни үзәген зур ихтирам белән казакъ дуслары чакырды.

Казакъ ассоциациясе «Достар» бу бәйрәмне киң колач һәм зур масштабта интернациональ кунаклар белән күмәктә оештырды. Шуңа күрә дә бәйрәм аеруча бай колоритлы булып, искиткеч күңелле узды. 

Чара меңләгән кунакны гына түгел, хуҗаларның үзләрен дә таң калдырды. Монда купшы милли киемнәр, җыр һәм бию, уеннар, күңелле ярышлар, милли ризыкларга бай өстәлләр – онытылмаслык тәэсир итә торган тамаша булды. 

Тугандаш казакъ дусларыбызның җылы кунакчыллыгы, купшы орнаментлы милли киемнәре арасында татарлар да үзләрен иркен хис итте. «Мирас» татар оешмасы әгъзаларының энтузиазмы һәм талантлы чыгышлары зур казакъ чарасында татар-башкорт моңнарын да яңгыратты. «Мирас» оешмасы концерт программасында да, кулинарлар ярышында да, күмәк уеннарда да иң активлардан булды. 
Монреаль Нәүрүзенең дастарханы аеруча бай, төрледән төрле иде. Бәйрәмгә татар халык ашларын әзерләгән актив катнашучылар арасында Розалия Каримова, Люзия Хафизова, Әдилә Усманова, Светлана Догадкина һәм әнисе белән Альбина Кудееваны мактап китәсе килә. 
Хуш исләр аңкытып торган мул өстәлләрдәге чәк-чәк, вак бәлеш, баурсак, өчпочмаклар, әлбәттә, жюрины битараф калдырмады – призлы урыннар яулады. Ә инде тәмле бишбармак, пылау һәм башка тәмле сыйлар безнең күңелләрне ерак туган илебезгә якынайтты.

Татарлар һәм башкортлар чыгышы бик матур булды. Әдилә Усманова, Эрика Эллингсен дуэты чыгышын Казан консерваториясен тәмамлаган Лилия Байрашева хәзерләде. Бу дуэт башкарган «Умырзая» җыры тамашачыларны якты хис-моңсулыкка, ә дәртле «Әпипә» көе күңел күтәрергә, биеп тә алырга өндәде. Светлана Догадкина сәхнәдә татарларның «Аш пешерү» биюендә күбәләктәй очып йөрде. Башкорт халкының «Бурзяночка» биюендә аккош нәзакәтлелеген Уфа сәнгать мәктәбен тәмамлаган Алсу Ульмашева күрсәтеп, таң калдырды. Мини-концертта әниле-кызлы Зилә Миргалиева һәм кечкенә Камилә Усманова башкарган «Бал җимеше» җырын кунаклар бигрәк тә җылы алкышларга күмде. Рәхмәт сүзләре, истәлекле бүләкләр араларны тагын да якынайтты. 

Ахырда бар катнашучылар кызып китеп «Кара Жорга» ритмына үзеннән-үзе бии башлады – бик зур бию аланы барлыкка килде. Барыбыз да шуны яхшы аңладык: без барыбыз да бер Җир Ана балалары, безнең юлыбыз – дуслык, бердәмлек. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8473
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8747
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8510
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4109
    2
    48
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан