Алма кагы


Быел алма кемдәдер бик уңган, кемнеңдер алмагачы ял итә. Алмагыз күп булса, әрәм итмәгез, как коегыз. Как коюның бер авырлыгы да юк, без сезгә аның берничә ысулын тәкъдим итәбез.


Алманы турап, чуен казанга яки төбе калын кәстрүлгә салабыз. Эмаль савытлар бармый, төбенә утыра. Туралган алмага бер стакан су салып, өстен каплыйбыз да пешерергә куябыз. Алманың сортына карап, 30 минут яки бераз күбрәк вакыт китәргә мөмкин.


Пешкән алманы иләккә яки вак тишекле дуршлагка салып, тукмак белән төябез. Иләктә калган кабыкларын ташлыйбыз. Изелгән алмага бераз шикәр комы кушып (баллырак яратучыларга), тагын бер кат утта «сикертеп» алабыз. Яратсагыз, аз гына төелгән дарчин (корица) белән имбир да куша аласыз. Алай  какның тәме үзгәрәк килеп чыга.
Хәзер какны табаларга җәеп, киптерәсе генә калды. Берничә төрле ысул белән киптереп була. Кемгә кайсысы җайлы, шунысын кулланып карасын.


Беренче ысул. Төбе майланган табага 0,5 см калынлыгында тигезләп җәеп, кайнап торган сулы савыт өстендә киптерү. Таба кызганчы беренчесе озаграк кибә, калганнары – тизрәк. Какның өсте кулга ябышмый башларга тиеш. Әмма артык озак тотсаң, как катып та китә. Как купмый торса, табаны салкын суда чылаткан тастымалга куеп алыгыз.


Икенче ысул. Төбе майлы табага салып, мичтә киптерү. Мич бик сүрән булырга тиеш һәм ишеген бераз ачык калдырырга кирәк. Электр миче кулайрак, өрдергече дә булса, бигрәк тә. Элеккеге кеше какны кичтән яккан утын миченә дә куеп киптергән. Төнгә каршы эссе мунчага кертеп калдырырга да була.


Өченче ысул. Эссе көнне кояшта киптерү. Моның өчен таба урынына куна  тактасы куллану яхшырак. Куна тактасын да майларга кирәк. Шөпшәләрдән, чебеннәрдән саклар өчен, кырыйларына борт ясап, марля белән каплыйсы. Болай как озаграк кибә, яңгырдан, чебеннәрдән саклыйсы була.


Дүртенче ысул. Электр белән эшли торган махсус киптергечләр куллану. Үзебезнең тәҗрибәдән чыгып, монысы иң отышлы ысул дип таптык. Күп киптергечләрнең комплектында как табасы берәү генә. Аның урынына чак кына майланган «рукав» пленкасы, пергамент кәгазе яки чиста марля кулланырга була. Как җиңелрәк купсын өчен, кипкәч, аны бераз шул килеш тотарга кирәк. Суынганнан соң кубаруы җайлырак. Кемдер суыткычка тыгып торырга да киңәш итә.
Әзер какны пергаментка яки полиэтилен элпәгә төреп, суыткычта саклыйлар. 

Бер лайф-хак: алмалар сусыл булса, башта аның согын алсаң, отышлырак. Как кояр өчен аның калган түбе дә ярашлы.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10641
    5
    132
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6378
    1
    85
  • 7488
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8503
    1
    48
Реклама
Соңгы комментарийлар
  • 21 сентябрь 2020 - 21:33
    Без имени
    Нэкь шундый дип куз алдына китергэн идем.Ошыйсын Син мина Золфэт,кеше буларак,ир-ат буларак.Сойлэвеннэн ук эйтмэсэн дэ хатынны да балаларынны да яратуын сизелеп тора.Шундый гаилэлэр кубрэк булсын иде.Молодец!!!
    ​Мин хуҗабикәне сайлыйм
  • 21 сентябрь 2020 - 14:35
    Без имени
    Молодцы, Голнур да, Голназ да, афэрин сезгэ, кызлар! Бик матур килеп чыккан!)
    «Мин – Гөлназ Сәфәрова...»
  • 21 сентябрь 2020 - 22:04
    Без имени
    Акыллы ир,сырлап,матурлап тормый,турыдан,молодец!
    ​Мин хуҗабикәне сайлыйм
  • 21 сентябрь 2020 - 11:27
    Без имени
    Яхшы тәмамланды, ләкин бик кыска язма булды
    Җилбәзәкне өйләндерү
  • 20 сентябрь 2020 - 07:43
    Без имени
    Бернәнсәдә аңлашылмады, дәвамы ничек?
    Яңгыр 
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...