Остеопороз эпидемиясе якынлаша (киңәшләр)

Якын киләчәктә табиблар остеопороз эпидемиясен фаразлый. Белгәнегезчә, остеопороз – сөякләрнең зәгыйфьләнүе. Аның аркасында аяк-кулларның сыну ихтималы бермә-бер арта. Мисал өчен, 45 яшьтән өлкәнрәкләрнең 70 процент сөяк сыну очраклары – остеопороз билгесе.


Бөтендөнья Сәламәтлек саклау оешмасы мәгълүматларына караганда, бу авыру еш кына инвалидлык һәм үлемгә китерә торган сәбәпләрнең берсе булып тора. Йөрәк-кан тамырлары, онкология, шикәр диабеты авыруларыннан соң,  куркынычлык буенча, дүртенче урынны били.

Остеопороз – сөякләрнең зәгыйфьләнүе

25-30 яшькә кадәр кешенең сөяк тыгызлыгы арта, ә аннан соң кире процесс башлана. Әлбәттә, бу күренеш һәркемдә төрлечә бара.
 


Россиядә 50 яшьтән өлкәнрәк һәр өченче хатын-кыз һәм һәр бишенче ир-ат бу чирдән интегә. Өлкән яшьтәгеләрнең, аяк яки кул сынганнан соң, ярты ел эчендә үлеп китүләре еш очрый.



Авыруны ачыклау

Заманча медицина ысуллары кешедә бу авыруны ачыкларга ярдәм итә. Мисал өчен,  денситометрия ысулы – шундыйлардан. Бу – сөяк тукымасының ультратавыш диагностикасы. Аның ярдәмендә остеопорозны (сөякләрнең тыгызлыгы 3-5 процент кимегәндә) ачыкларга мөмкин. Рентген сурәтендә исә сөяк тукымасының 15-20 проценты эштән чыккач кына үзгәрешләрне күреп була.

Хәер, остеопроз барлыкка килүнең башка сәбәпләре дә бар. Умыртка сөягенең тайпылышы бу авыру турында хәбәр итә торган сигнал булырга мөмкин. Остеопороздан интегүчеләрнең күбесе тиз хәл китүдән зарлана. Шунысы да бар: кандагы кальций дәрәҗәсен белү генә бу авыруны ачыкларга ярдәм итми.

Хатын-кызларда бала тапканнан соң бу чирдән интегү куркынычы 10-15 процентка кими. Бу исә йөклелек чорында ана организмының “яңаруы” белән бәйле.

Остеопороз булганда, файдалы продуктлар:


1. Кәбестәнең барлык төрләре, аеруча брокколи.
2. Чикләвекнең һәр төре.
3. Бөртекле һәм кузаклы культуралардан әзерләнгән ризыклар.
4.  Әче сөт продуктлары.
5. Күрәгә, кара җимеш.
6. Яшеллек, аеруча шпинат.
7. Яшелчә, җиләк-җимеш.


Авыруны дәвалау

Бу авыруны дәвалау – озакка сузылган процесс. Чөнки, беренче чиратта, дәвалану өчен билгеле бер рацион төзергә, дәвалау гимнастикасын да ясарга кирәк. Җитмәсә, чамасын белеп, кояш ванналарын куллану да мөһим.

Балык мае да бу чирдән котылырга ярдәм итә. Чөнки нәкъ менә ул – D витамины чыганагы. Саф һавада сулауны режимга кертеп җибәрергә кирәк. Шунысын да истә тоту зарур: остеопороз – картаюның котылгысыз нәтиҗәсе, дип уйларга ярамый. Бу авыру сезгә кагылмасын дисәгез, беренче чиратта,  профилактика ясарга кирәк.

Профилактика

1. Сәламәт яшәү рәвеше һәм рациональ туклану – 21 гасыр эпидемиясенең дошманнары.
2. Аэробика, йөгерү, спортның уен төрләре, гимнастика, йөрү белән беррәттән, көч таләп итә торган күнегүләр дә ясарга кирәк.
3. Остеопороз булган хатын-кызларга югары интенсив күнегүләр ясарга, шул исәптән, сикерергә ярамый.
4. Өлкән яшьтәге хатын-кызларга физик күнегүләрнең шәхси программасы булдырылырга тиеш.

сылтама: http://intertat.ru/tt/society-tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6039
    7
    61
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5422
    3
    47
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3976
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2643
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8774
    6
    34
Реклама
Реклама
Соңгы комментарийлар
  • 25 ноябрь 2022 - 14:10
    Без имени
    Әссәләмүгаләйкүм. Үзебезнең татарлар арасында шушындый яшьләр булуына куандым һәм горурландым. Аллаһы Тәгалә теләсә без яшибез, татар теле дә бетми, иншаллаһ.
    Татар самурае
  • 25 ноябрь 2022 - 16:42
    Без имени
    Бу энине мин уйлар идем ике йэрекле булган диеп хазэрге яшьлер уз балаларында калдырып чыгалар эниене Алла хатегале озын гомер бирсен балаларынын жылы сузлерен ишетэп яшерге язсын
    ​Иң кадерле кеше!
  • 25 ноябрь 2022 - 10:55
    Без имени
    Монын кебек ирлэр аздыр ул. Бэхетегез озын гомерле булсын
    Кайгыда да, шатлыкта да бергә без
  • 25 ноябрь 2022 - 10:45
    Без имени
    Кеше бэхетенэ урелмэсеннэр иде, семьясыз ирлэр беткэн микэнни? Язмышлардан узмыш юк шул
    ​Ачы көнбагыш
  • 26 ноябрь 2022 - 22:55
    Без имени
    Дөп-дөрес сүзләр!
    Исламда хатын-кыз хокуклары нык саклана
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда