Һава торышы бозылганда нишләргә? (КИҢӘШЛӘР)

Бүген кичке 18.00 сәгатьтән иртәгә шул ук вакытка кадәр Татарстанда шторм кисәтүе игълан ителгән. Республика буенча Гадәттән тыш хәлләр министрлыгы татарстанлыларны сак булырга чакыра, чөнки җил урыны белән секундына 15-23 метрга җитәргә мөмкин. Шулай ук көчле яңгыр, яшен көтелә.

Шул сәбәпле, Гадәттән тыш хәлләр министрлыгы татарстанлыларга берничә киңәш бирә:

– һава торышы бозыла башлаганда урамда калсагыз, электр тогын үткәрә торган линияләрдән, реклама такталары һәм витриналары, өй карнизлары, реклама стендлары, сыгылып төшкән агач кәүсәләре яныннан еракрак торыгыз. Төрле җәрәхәтләр алмас өчен, иң яхшысы – бина подвалында яки подъездда саклану;

– әгәр сез табигатьтә булганда, җил көчәюен сизеп алгансыз икән, бу очракта урманда яки сулык янында ориентацияне югалтмас өчен билгеле бер чаралар куллану кирәк.
 
Явым-төшем булганда:
 
▲урамда калсагыз, һавадагы электр тапшыру линияләре бөтенлегенә игътибар итегез;

▲ каралты-кураларның конструкциясен ныгытып куегыз, алар ишелеп кешеләргә зыян китерергә мөмкин;

▲үз йортлары белән яшәүчеләргә исә яңгыр сулары агып төшә торган канализацияне дә әзерләү чараларын да күрергә кирәк.
 
Боз яуганда:

▲ өйдән чыкмаска киңәш ителә;

▲ бина эчендә булганда, тәрәзәләрдән ераграк торыгыз;

▲ электр җайланмалары белән кулланмагыз, чөнки, гадәттә, боз яуганда, яшен дә була;

▲ урамда калсагыз, ышык урынны сайлагыз. Әгәр дә инде андый җир таба алмыйсыз икән, бу очракта башыгызны кул, сумка, кием белән боздан каплагыз;
 
▲ агачлар астына ышыкланмагыз, чөнки ул очракта яшен сугу ихтималы бар, җитмәсә көчле җил, боз агачны сындырып, сез җәрәхәтләнергә дә өммкинсез.

Яшен булганда:
 
▲ әгәр велосипед яки мотоциклда барганда, яшен күренә башлый икән, кичекмәстән хәрәкәт итүне туктатып, яшен туктаганын транспорттан 30 метр читтә көтегез;
 
▲ автомобильдә барырга да киңәш ителми, чөнки аның электр системасы эшчәнлеге дә бозылырга мөмкин. Туктап торып, машинаның бөтен тәрәзләрен ябып, явым-төшем туктаганын көтәргә кирәк.

▲ Әгәр сез яшен вакытында ачык урында каласыз икән, бу очракта уйсулыкта җиргә ятарга (ком яки ташлы җиргә) киңәш ителә. Сезнең янда елга, күл, буа булмасын, чөнки су – яхшы үткәргеч, ә яшен сугу сулыктан 100 метр радиуста таралырга сәләтле.

▲ Җәяүлеләргә юл аркылы чыкканда, трассалар янында, машина йөртүчеләргә исә юл хәрәкәте вакытында аеруча уяу булу таләп ителә.
 
Игътибарлы һәм сак булыгыз!

Хәвеф-хәтәргә очраган вакытта 112 телефон номеры буенча шалтыратырга мөмкин. Шалтыратулар тәүлек буе һәм шәһәр, кесә телефоннарыннан бушлай кабул ителә.
 
Ышаныч телефоннары:

– Россия Гадәттән тыш хәлләр министрлыгының Идел буе төбәк үзәге 8-831-469-1778;
Россия Гадәттән тыш хәлләр министрлыгының Татарстан буенча Баш идарәсе 8 (843) 227-46-96.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8245
    0
    82
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7473
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3624
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4438
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3524
    0
    26
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда