​Ипиле тәбә

Йөземне юып киптерегез. Сөткә йомырка, гади һәм ванильле шикәр комы салып туглагыз.

Ак ипине өчпочмак яисә дүртпочмак рәвешендә кискәләгез, ике яклатып атланмай ягыгыз. Аннары ипи телемнәренең беразын майланган табага тезеп, өстенә йөземнең яртысын сибегез. Шуңа йомыркалы сөт катнашмасы салыгыз. Алар өстенә калган ипи телемнәрен сөтле катнашмага манчып, рәсемдәгечә бер-берсенә терәтеп тезегез. Кабат барысы өстенә йомыркалы сөт катнашмасы салыгыз. Шуны 160 градус кызулыктагы мичтә 45 минут пешерегез.



Тәбәне табынга кайнар килеш куегыз.

Тәбә өчен: 15-20 ипи телеме, 1 стакан сөт, 4 аш кашыгы йомшартылган атланмай, 4 йомырка, ярты стакан йөзем, 1/3 стакан шикәр комы, 2 чәй кашыгы ванильле шикәр, ярты чәй кашыгы тоз кирәк.


Киңәш: 
Катырылган җиләк-җимештән пешерәсе бәлешнең төбе җебеп китмәсен өчен, камырга иң элек кукуруз лачаулары (хлопья), аннары гына сусыл җиләк эчлеге салыгыз.

Бәлешне өлешләп, уртадан башлап кискәләгез. Шулай эшләгәндә, ачык кырыйлы калган өлешен бер-берсенә терәп куярга мөмкин булачак. Һәм бәлеш катмый сакланыр.