Минем ир тәмәке тартырга дип подъезд төбенә чыга. Икенче катта ялгыз хатын тора, тәрәзәләре нәкъ ул басып торырга ярата торган якка карый. Шулай бер көнне стенага кадак кагарга дип чакырды бу моны, икенче көнне краны әллә нишләгән. Ирем инде моны ярдәменнән ташламаган. Каян килгән диген! Мин кадак кагарга сорасаммы? Ике атна узмыйча какмый!
Ә бер көнне өйгә иртәгрәк кайтып төшсәм, минем ир тегенең фатирыннан чыгып бара. Кулында - бәлеш кисәге. Акланган булды. Янәсе, икебезне дә чәйләргә чакырган булган да, мин өйдә түгел идем имеш.
Бу хәл миңа ошамый. Ә мин күрмәгән-белмәгән тагын нинди хәлләр булган микән?
"Йөрмә алай!" - дип ачуланганыма кайтарып көлә генә.
Иремә - илле өч, теге хатынга иллеләр тирәседер. Гауга куптару да оят, болай күршегә йөртүе дә яхшы түгел бит инде?! Бу хәлгә артык игътибар итәмме? Иллегә җитеп шушындый хәлгә калырмын дип бер дә уйламаган идем! Хыянәткә ерак калмады түгелме?!
Әллә үз-үземне юкка газаплыйммы? Нишлим?
Комментарийлар
0
0
...УЗЕН, ТЕГЕ ХАТЫННЫ ОЕН,Э ЧАКЫР... АНЫН АЛДЫНДА ИРЕННЕ КОЧАКЛАП ТОР! ИЛИ БЭЛЕШ ПЕШЕР ДЭ БОТЕН КОЕ ИРЕН,АРТЫННАН УЛ ХАТЫНГА КЕРТТЕР... РЕАКЦИЯ БУЛАЧАК... НО ИРЕН АЛАЙ ЙОРЕРГЭ ХИЧ КЕНЭ ДЭ ТИЕШ ТУГЕЛ..
0
0
0
0
Ирегездән күз язмагыз. Азгынлыкның яше юк. Бәлешне өендә ашасын. Менә күрерсез, "без дуслар гына" диячәк. Ышанмагыз. Бу була торган хәл түгел. Мондый "дуслык"ның ни белән беткәнен бик яхшы беләм.
0
0
0
0
җавапларыгызга рәхмәт! ул күршекәйне кунакка чакыру - яхшы киңәш! Булдыра алырмын микән! Алайса, дөрес хафаланам инде, әллә картаймыш көнендә юләрләнәмме инде дип торам!
0
0
0
0
Классик ситуация бу. Сак булыгыз. Гаилэгезгэ иминлек бэхет телим.
0
0
0
0
Ирляр 50 яшендя узлярен егетляр кебек хис итяляр,хатын кыз 50 гя житкяч узлярен олы дип саныйлар,меня шул вакытта килеп чыга шушындый хялляр. Ирсез хатыннар янына ирлярегезне бер адым атлатмагыз, ирляргя ышану - суга таяну.Бу очыракта семьяны саклап калу очен бераз хяйлякярлек тя, иркяляну дя,артистлык та,матур кием дя ,йомшаклык хям тямле тел дя барысы да урынлы булыр.. Куп еллар бергя торгач, балалар устергяч без бераз тынычланып китябез,ирлярне узебезнеке дип уйлыйбыз,игтибарыбыз аларга кими башлый,ирляр моны бик тиз сизя. Узегезгя икенче куз белян карагыз,арагызны жылытыгыз,яшь чагыгызны искя тошерегез,сабырлык хям унгышлар телим
0
0