Гаилә нәрсә ул – никах, шаулатып үткәргән туй, шатлыкта һәм кайгыда бергә булу, диярсез. Монысы төпле акыл белән гаиләнең нәрсә икәнен белеп яшәүчеләр. Әмма гаиләне бары тик бергә утырып ашау һәм бергә ятып йоклау дип исәпләүчеләр дә юк түгел. Бу бигрәк тә яшьләр арасында чагылыш таба. Хәтта студент никахы дигән төшенчә барлыкка килде. Уйлап карасаң, зина кылмыйлар да кебек – Аллаһы каршында үзләрен ир белән хатын итәләр. Никах бит әле ул мулланың дога укуы гына түгел, ә әти-әни хәер-фатыйхасы да, изге гамәлнең башы гына да.
