Рафаэль абый Мостафин... Миңа якыннан аралашырга туры килгән язучыларның берсе ул. Әдәби тәнкыйтьче дә, публицист та, галим дә. «Литература и жизнь» үзәк газетасының үз хәбәрчесе, «Дружба народов» журналының редколлегия әгъзасы, «Казан утлары», «Татарстан» кебек саллы журналларның баш редакторы... Муса Җәлил эзләреннән йөреп, шагыйрьнең шанлы исемен халкыбызга кайтаруга гомерен, иҗатын багышлаган зур шәхес. Ул язган китапларны укып, герой-шагыйрь турында никадәр серле йомгаклар сүтелде, күпме яңалык ачтык!
