Такташ... Зәңгәр күзле, саргылт чәчле бу трибун шагыйрьне, мәхәббәт җырчысын, аның романтик, лирик шигырьләрен яратмау мөмкин түгелдер. «Алсу», «Урман кызы», «Нәни разбойник», «Мокамай», «Зәңгәр күзләр», «Мәхәббәт тәүбәсе», «Киләчәккә хатлар»... Барысы да хәтердә, барысы да кадерле... Шигырьләрен Такташның үзе укуы исә – тагын да тәэсирлерәк, ритмлырак, хислерәк булган диләр «...миндә көчле Байроннар җаны» дип язган Такташ кыска гына гомерендә мәхәббәт лирикасында мәңге онытылмаслык эз калдырган бөек шагыйрь ул. Аны яратканнар, үзе дә ялкынланып гашыйк була белгән. Безгә, «Сөембикә» журналында эшләүчеләргә, ул тагын да якынрак.
