Казан–Саба юлы белән килеп, Теләчегә җиткәч, уң якта зур бер хуҗалык кала. Игътибар итми генә узып китеп булмый аны. Биек-биек корылмалар каршындагы араннарда атлар чаба, Мишә буендагы болыннарда да зур-зур ат көтүләре... Аргамаклар яши торган бу торакларның төзеклеге, зурлыгы монда эш сөйгән тырыш хуҗалар барлыгына ишарәли. Янәшәдә генә тәрәзә йөзлекләре челтәрле матур йорт тора.
