Җилләр белән узыштан йөгергән чая кызга һәркем – әти-әнисе дә, укытучылар да киләчәктә зур уңыш юрый. Йөгерешкә чыкса, аны узармын димә. Ераклыкка сикерсә, иң яхшы нәтиҗә – аныкы. 11 яшеннән җиңел атлетика белән шөгыльләнгән кыз тәгаен генә спортчы булыр, районыбызның данын еракларга таратыр, диләр. Тик аның көнгә ничә тапкыр чыдый алмаслык авыртудан идәннәргә ятып тәгәрәгәнен берсе дә белми шул әле. Ничек тә түзә, беркемгә, хәтта әтисе белән әнисенә дә белгертми ул хакта Ләйсән...
