Моннан берничә ел элек телевизорда шундый бер тапшыру күзгә чалынган иде. Федераль каналларның берсендә безнең зур бәлешне пешерделәр дә, белгеч буларак катнашкан диетолог аның организмга файдалымы, зарарлымы булуын бәяләде. Бәлешне пешергән оста бәрәңге белән итне салып болгатканда бер уч әнис орлыгы да кушкан иде. Диетолог әнис орлыгының бик файдалы булуын һәм әнис кушылганга күрә, әлеге ризыкның организмга файдалы булуын әйтеп китте.
