Быел Ләбибә Ихсанованың тууына – 100, Венера Ихсанованың тууына 90 ел тулуны билгеләп үтәбез. «Без икебез дә гомеребезне кеше җанын тәрбияләүгә багышладык...» Ничекләр дөрес әйткән бу сүзләрне Ләбибә апа! Ләбибә Ихсанова кебек бөтен иҗатын балаларга гына багышлаган язучылар күп түгел. Китапларының тиражы миллионга якын аның! Ә Венера Ихсанова – журналист, публицист, 28 ел баш мөхәррир булып тора, шуның унбер елын – безнең «Азат хатын»да. Ә хәзер истәлекләргә күчик.
