Кем өчендер ул иң беренче чиратта – Мирвәли («Өч аршын җир»), кемгәдер һаман да Газиз («Хуш, Назлыгөл»), Фигаро («Шау-шулы көн яки Фигароның өйләнүе»), Сәяр («Әни килде»)... Гөргери («Гөргери кияүләре»)! Шук, кешелекле, мөлаем бу керәшен агаен кайсыбыз хәтерләми! Хәер, ул уйнаган рольләрнең барысын санап чыгу мөмкинме икән?! Күп бит алар: Тукай («Тукай»), Бәхтияр («Бәхтияр Канкаев»), Шәмсетдин («Кол Гали»), Камали («Банкрот»), Нурислам («Хушыгыз»), Ногман («Мәхәббәт турында сөйләшик»), Алексей («Илгизәр + Вера»)...
