«Права»га яңа гына укый башлаган идем кебек, өч ай үткән дә киткән икән бит, ләбаса. Теория ягыннан инде шактый чарландым. Атна саен студент кызлардан ким булмыйм дип, урамда җәй түгел, кыш хакимлек итүгә карамастан, кыска итәкләремне киеп дәресләргә йөрим бит. Ай ярым тирәсе узганнан соң «вождение» дигәне дә башланды. Тормышым тагын да җанланып, яңа хис-кичерешләргә баеды, минәйтим!
