Өйдә тоз булмый калмый инде. Шунсыз ашарга да әзерләп булмый бит. Ләкин тозны башка максатларда да кулланалар икән әле.
Борынгы заманнарда ук кешеләр тозның гадәти минерал гына түгел икәнен ачыклаганнар. Ул дезинфекцияләп кенә калмый, ә бәлки әйләнә-тирәне дә чистарта, ягъни энергетик чистарыну үткәрә, дигәннәр.
Идән юа торган чиләктәге суга тоз салып карагыз әле.
Беренчедән, 10 литр суга 1 аш кашыгы эре тоз салып сөртеп чыксаң, идәннәр дезинфекцияләнәчәк. Шушы гади генә эштән соң өйдә чисталык, сафлык бөркелеп торачак.
Икенчедән, өйнең энергетикасы үзгәрәчәк. Тыныч, җайлы мохит барлыкка киләчәк, хәтта тирә-юнь яктырып китәчәк. Сере: тоз әйләнә-тирә мохитне энергетик дәрәҗәдә чистарта.
Идән юган саен чиләктәге суга тоз кушыгыз. Әгәр:
– өегезгә сез өнәмәгән кеше кереп чыкса;
– өйдә бәхәсләр, тавыш-гауга тынып тормаса;
– тәмам хәлдән таеп йөрсәгез;
– акча белән бәйле проблемалар туса –
булышачак, тынычландырачак, диләр.
Кирәксез әйберләр белән тулган өйне башта тау булып өелгән чүп-чардан арындырыгыз, аннары бөтен җирне тозлы су белән юып чыгыгыз. Өегезгә әйбәт энергия кереп тулачак. Тоз могҗизалар тудырырга сәләтле шулай.
Кайберәүләр йоклар алдыннан баш очына стакан белән тозлы су куеп яталар. Өйдәге тискәре энергиядән котылу чарасы итеп карыйлар аңа. Бинада тискәре энергия күп булса, ул барлык гаилә әгъзаларында да чагыла. Депрессия, күңел төшенкелеге күзәтелә, конфликтлар чыгып тора. Ышанасызмы-юкмы, ә тоз негатив энергияне үзенә сеңдерә дигән караш бар. Ул авыр ис, бактерияләрдән генә коткарып калмый, ару, йокысызлык, кызып китүләрдән дә саклый икән.
Эльмира ЗАКИРОВА әзерләде
Следите за самым важным и интересным в Telegram-каналеТатмедиа
Комментарий юк