Невроз сезнең сумкага яшеренгән булырга мөмкин! Чынлап. Беренче карашка, сәер дә тоелырга мөмкин. Ачкыч, акча янчыгы, телефон һәм вак-төяк салынган сумканың нинди зыяны булсын инде?! Әйдәгез, сумкагызны җентекләп карыйк әле, кесәләрен, бүлемнәрен дә тикшереп чыгыйк. Мөгаен, сез айлар буе йөрткән әйбер энергиягезне суыра, тынычлыгыгызны аладыр.
Сәүдә үзәгендә бирелгән хушбуй тестерлары, иске чеклар, коелган вак акчалар, запискалар, конфет кәгазьләре һәм башка чүп-чар сумканы гына түгел, башыгызны да чүпли. Тышкы тәртип булмый торып, эчке тәртип була алмый. Шуңа күрә сумкада бер артык әйбер дә булмаска тиеш.
Фатирда, машинада, хәтта сумкада тәртип – сәламәт нерв системасының төп шарты ул.
Сумка чит әйберләр белән тулса да яхшы түгел. Табылган бизәнү әйберләре, башка кешеләрнең ручкалары... Һәр чит әйбер аерым бер энергетика алып килә. Әлеге әйберләрнең хуҗалары белән мөнәсәбәтләр катлаулы булса, бигрәк тә! Элеккеге партнерларыгызның, шулай ук үзегез яратмаган кешеләрнең әйберләрен йөртмәгез сумкада.
Атна саен сумкагызга тәртип кертүне кагыйдә итеп алыгыз. Сумкадан чыккан әйберләрне тикшереп, кирәкмәгәннәреннән котылу ягын карагыз. Иске, сынган, ватылган әйберләрне жәлләмичә чыгарып ташлагыз.
Сумка ул – сезнең дәвам, сезнең энергия кырының дәвамы. Аны тәртипсез рәвештә – ничек туры килсә, шулай итеп түгел, уйлап тутырыгыз. Анда сезгә ышаныч һәм көч бирә торган иң кирәкле, иң яраткан әйберләрегез генә булса, курку-шөбһәләр юкка чыгар, үзегезне тыныч һәм ышанычлы хис итәрсез.
Следите за самым важным и интересным в Telegram-каналеТатмедиа
Комментарий юк