Безне чолгап алган бөтен әйбердә эчке энергия бар. Алар уңай энергияле дә, тискәре энергияле дә булырга мөмкин. Без бик яраткан кайбер әйберләр сәламәтлеккә, кәефкә начар йогынты да ясый әле. Әйдәгез, шуларга тукталып үтик.
Бер кызганусыз! Тишекләр, кыршылган урыннар, сүтелгән җирләр – менә болар сезнең киемнәрдә, аксессуарларда булмасын инде. Андый киемне кигәч тә канәгатьсезлек тоячаксыз, алай гынамы – алар ресурслар кытлыгы китереп чыгара, чөнки үзләрендә дә юк ул. Теләсә кайсы әйбернең төп максаты – бизәү һәм саклау. Дефектлы әйберләр аны үти алмый, шуңа тизрәк алыштыру яки ремонтлау хәерле.
Үз размерыңдагы киемнәрне алырга кирәк. Бу аксиомага кул гына селтибез, кечерәк размердагы костюмны тарткалап киеп куябыз йә үлчәме юк балахонга чумабыз. Хикмәт – киемнең энергиясендә. Беренчесе дә, икенчесе дә начар. Уңайсыз, кысан киемдә дә, капчык кебек асылынып төшкәнендә дә үзегезне ышанычсыз хис итәсез, киеренке халәттә йөрисез. Теләсә кайсы ательеда киемне фигурагызга туры килерлек итеп төзәтеп бирәләр. Әгәр андый мөмкинлек булмаса, кемгә килешә – шуңа бирегез.
Сез яратмаган әйбер (мәсәлән, кием) күңелсез хәлләр белән дә бәйле булырга мөмкин. Шул тынычсызлап, борчып тора аннары. Ничек кенә яхшы сыйфатлы булмасын, ул киемнән котылу ягын карагыз. Кирәкмәс әйберләрне каядыр кую проблема түгел хәзер. Хәйрия фондына илтегез, сатыгыз йә күңеленә хуш килгән берәр кешегә бүләк итегез. Ә менә ул киемне үз ихтыярыңа каршы килеп булса да киеп йөрергә кирәкми. Үзегезне барыбер рәхәт хис итмәячәксез.
«Бу күлмәгемне кисәм, танышырга атлыгып торалар, ә минем ул күлмәктән башым авырта», – ди бер кыз. Димәк, ул тискәре энергия биреп тора.
Киштәләрне чүп-чар белән тутырмагыз, шкафларда кирәксез киемнәрне җыеп яткырмагыз, бәлки, кирәге чыгар дип, иске газета-журналларны сакламагыз. Кулланылмый, чистартылмый, юылмый торган әйберләргә, иртәме-соңмы, негатив энергия туплана. Өйдә иске әйберләр күп булган саен, бу фатирның тискәре энергиясе дә арта.
Уңай энергия булдырасыгыз килсә:
1. Өйдә чүлмәктә гөлләр үстерегез! Аларны тәрбияләп торсаң, тискәре энергия алыначак.
2. Вазага киптерелгән кыр чәчәкләре куегыз. Алар тискәре аураны нейтральләштерә.
3. Бүлмәгездә җәнлек фигуркалары, чигүле мендәрләр булсын. Алар уңай энергия бирә.
Следите за самым важным и интересным в Telegram-каналеТатмедиа
Комментарий юк