Күзләр! Ир-ат иң элек хатын-кызның күзләре карый дигән фикер яши. Әмма бу һтч тә алай түгел икән. күзгә караганчы ул инде күп җирләрне карап чыга? Көчле затларның күзе иң элек кая төшә? Психологлар күзәтүләргә нигезләнеп кызыклы нәтиҗәгә килгәннәр.
1. Иң беренче — күкрәк
Көтелмәгән яңалык түгел, шулаймы? Ир-атлар еш кына иң элек хатын-кызның күкрәгенә күз сала. Бу табигый, чөнки күкрәк караш туры биеклегендә, күзләр күп очракта әнә шунда юнәлә. Әмма әгәр ул карашын сезнең күзләргә күчерә икән, бу инде кызыксынуның чын башлангычы.
2. Сын һәм аның сыгылмалыгы
Ир-атлар өчен гармонияле силуэт бик мөһим. Алар еш кына «ком сәгате»нә охшаш хатын-кыз сынына игътибар итә: нечкә бил, зифа гәүдә, киң бәдән... алар әле йөзне, мимиканы аермачык күрми, әмма инде сынны бик тиз сканлаштыра. Күп очракта– беренче секундларда ук.
3. Аяклар
Ир-ат игътибары мөһимлеге буенча – өченче урында. Тиккә генә күп кенә ир-атлар: «Мин башта хатын-кызның аякларына, аннан күкрәкләренә, соңыннан гына йөзе», – дип әйтмиләр. Озын, зифа аяклар һәрвакыт игътибар үзәгендә. Бу уңайдан, үкчәле аяк киеме – сезнең якын дустыгыз. Ул аякларны озынрак, гәүдәне турырак күрсәтә. Идеаль булмаган аякларны дөрес кием ярдәмендә яшерергә мөмкин.
4. Мимика һәм гәүдә хәрәкәте
Ир-атлар сүзсез дә күпне укый белә. Кызның ничек йөрүе, кулларын ничек хәрәкәтләндерүе, тын алуы – барысы да мөһим. Күптән сыналган ысул: тирән сулыш, тыныч хәрәкәт, табигый елмаю – болар барысы да эчке ышанычны күрсәтә, ә ир-ат моны сиземли.
5. Нәфис урыннар: беләзек, тубык, муен
Кайберәүләр өчен кул беләзеге, аяк тубыгы, муен сызыгы – хатын-кызның иң гүзәл бизәге. Нәфис, зәвыклы муенса, гәүдәнең әлеге урыннарын тагын да ассызыклый. Әгәр бу урыннарыгыз чыннан да нәфис булса, аларны яшермәгез!
6. Тәртип һәм пөхтәлек
Үзеңне тәрбияләү, пөхтә булу да бик мөһим. Ир-атлар өчен затлы кием түгел, ә чиста, тәртипле кыяфәт мөһимрәк. Тәмле исләр, чиста чәч, чиста тешләр, тире – болар сезнең сәламәтлегегез һәм үзегезне тәрбияләвегез турында сөйли. Ә бу исә ир-атны җәлеп итә.
7. Күзләр, елмаю һәм җан җылылыгы
Һәм, әлбәттә, күзләр... Ахыр чиктә ир-атны иң нык тарткан нәрсә – хатын-кыз күзләренең җылысы, эчке яктылык һәм елмаю. Әгәр хатын-кыз позитив, күзләре нур чәчә, елмаюы ихлас икән, аның белән аралашасы килә. Фото өчен дә бу кагыйдә эшли: җылы, табигый елмаю – иң зур матурлык.
Бер искәрмә бар: кайвакыт үзебезне күрмибез, әмма кемдер безне күптәннән күзәтә, бәяли, якынлашырга уйлый. Шуңа күрә һәрвакыт елмаеп йөрегез, сыныгыз туры булсын.
Следите за самым важным и интересным в Telegram-каналеТатмедиа
Комментарий юк