Күп якларда 1 Май бәйрәмнәрендә инде өй юалар – ел буе җыелган тузаннан арыналар. Быел бит әле аңа Гает бәйрәме дә кушылып китәчәк: өйләребез чиста, якты, нурлы булсын. Тәрәзәләр көлеп торсын! Тәрәзә дигәннән.
Күп якларда 1 Май бәйрәмнәрендә инде өй юалар – ел буе җыелган тузаннан арыналар. Быел бит әле аңа Гает бәйрәме дә кушылып китәчәк: өйләребез чиста, якты, нурлы булсын. Тәрәзәләр көлеп торсын!
Тәрәзә дигәннән.
Өй юарга тотындыңмы, челтәрне ничек агартырга дигән мәсьәлә килеп баса бит. Кояш нурлары да саргайта аны, тәрәзәләрне ачык тотсаң, тузанга да бата... Тизрәк кибеткә чабарга, ниндидер максус агарту чаралары алырга ашыкмагыз әле. Химия – ни дисәң дә химия инде ул.
Без сезгә челтәр агартуның иң җиңел һәм иң ансат юлын тәкъдим итәбез. Тагын иң арзаны да әле ул.
*Зур ләгәнгә җылы су тутырып, челтәрне шунда җебетергә салыгыз.
* Су челтәрне тулысынча капларлык булсын.
* Өстенә 1 килограмм аш тозы салыгыз.
* Тоз янына сода да өстәргә мөмкин.
* 30 минут тотыгыз. Тоз һәм сода челтәрдәге бөтен пычракны суга чыгарачак.
* Инде челтәрне кер юу машинасына салсагыз да була.
Тагын бер киңәш:
* челтәрне кер юу машинасына төргән килеш салсагыз, ул бөгәрләнмәячәк.
Следите за самым важным и интересным в Telegram-каналеТатмедиа
Комментарий юк