50 яшьтән соң чәч төсе: нинди төсләр килешә, кайсыларыннан баш тартабыз?

Артык кискен төсләр нигә картайтып күрсәтә?

Яшь барган саен, тире бераз тоныклана һәм аксылрак була башлый. Шул сәбәпле, артык кара яки салкын төсмерләр йөздәге җыерчыкларны, тапларны һәм күләгәләрне ныграк күрсәтә. Бу бигрәк тә чем-кара һәм салкын платина блонды кулланганда нык сизелә. Йомшаграк, җылырак төсләр исә күпкә тынычрак тоела. Алар бит белән чәч арасында артык кискен чик ясамый, шуңа күпкә табигыйрәк һәм яшьрәк күрсәтә.

Яшәртүче чәч төсмерләре

Алтынсу блонд (Медовый блонд)

Җылы бал төсе тиресе алтынсу, шәфталу яки зәйтүн җимеше төсмерле булган ханымнарга бик килешер. Ул йөзгә җылылык өсти, образны йомшак һәм назлы итә. Аеруча агара башлаган чәчләргә бу төс бик уңайлы: бер төскә генә буямыйча, бер-берсенә якын берничә төсмер өстәсәң, йөз тагын да ачылып китәр.

Йомшак каштан (Мягкий каштановый)

Җылы көрән яки каштан төсе чем-карадан күпкә йомшак күренә һәм кискен контраст ясамый. Аксыл төсләргә күчәргә теләмәүчеләр өчен бик кулай төсмер. Карамель яки чикләвек төсмерләре катнашкан катлаулы төсләр иң матуры күренә. Гади артык караңгы төс йөзне авыррак итеп күрсәтер.

Көлсу-саргылт (Пепельно-русый)

Бит тирегез ачык яки нейтраль төстә булса, салкын гамма да килешергә мөмкин. Ләкин монда артык көлсу яки бозлы төскә китеп бармау мөһим. Бежевый төсмерле йомшак көлсу-саргылт төс табигый күренә. Ул чал чәчләр белән матур кушыла һәм үсеп чыккан тамырларны белгертмичә саклый.

 Кайсы төсләрдән сак булырга?

Чем-кара төс

Тирән кара төс көчле контраст ясый, күз астындагы күләгәләрне һәм бит тиресенең тигезсезлекләрен күрсәтә. Аеруча чәчегезнең табигый төсе ачык булса яки чал керсә, бу аерма бик нык күренәчәк. Кара төсне саклыйсыгыз килсә, йомшак көрән яки салкынча каштан төсе күпкә тынычрак күренә.

Бозлы платина (Ледяной платина)

Үтә ачык, салкын блонд йөзне коры, кәгазь сыман агарткандай күрсәтергә мөмкин. Моннан тыш, үсеп чыккан чәч төбе дә тиз сизеләчәк. Ә менә ком, крем яки бежевый төсмерләр йөзгә яхшырак яраклаша – алар йөзнең яктылыгын саклый, ләкин тупас күренми.

Үтә кызыл төс

Кызыл һәм ялкынлы-кызыл сары төсләр йөзгә игътибарны нык җәлеп итә. Баш тирегездә төрле кызарулар яки капиллярлар челтәре булса, бу төс аларны тагын да ныграк күрсәтәчәк. Тынычрак бакыр, кызыл шәраб яки чия төсмерләре күпкә нәфисрәк тоела.

Чал чәчне тулысынча яшерергә кирәкме?

Бүгенге көндә чал чәчне буяуның бер өлешенә әйләндерә торган заманча техникалар киң кулланыла. Мелирование, төсне салмак күчерү (растяжка) үсеп чыккан чәч төбен күренмәс итә. Бу ысул тыгыз бер төскә буяганга караганда табигыйрак күренә һәм чәчне еш буяп торуны таләп итми.

Чәчне карау – төскә караганда да мөһимрәк!

Иң матур төс тә чәч коры һәм тонык булса, үз матурлыгын тиз югалта. Буяганнан соң чәч өчен яраклы бальзамнар, битлекләр кулланырга һәм очларын вакытында кистереп торырга онытмагыз.
Әгәр чәчегезгә нык чал кергән булса яки моңа кадәр кап-карага буяп йөрсәгез, кискен үзгәрешләр ясамагыз. Кара төстән әкренләп кенә китегез – болай эшләгәндә чәчкә зыяны азрак булыр.

Фото: фотолар ясалма фәһем технологияләре ярдәмендә ясалды.