​ҖЫЛЫ СҮЗ КАДЕРЕ

Күз алдына китерегез: тышта зәмһәрир салкын, яки күз ачкысыз буран. Менә өйгә кердегез—җылы мич, кайнар чәй, калын оекбаш...' Җылынып, рәхәтләнеп киттегез, шулай бит? Боларны сез җылылык тойгысын исегезгә төшерсен өчен яздык. Ә әңгәмәбез — җылы сүз хакында. Бу рәхимсез заманда бер­беребезгә сүз җылылыгын кызганмасак иде.
Җылы Сүзләргә саранланмагыз. Бу ялагайлану түгел. Гадәттә, без болай итәбез: ошамасатәнкыйтьлибез, ошаса— дәшмибез. Кешеләрдәге яхшы якларны таный белү мөһим. Хуплавыгыз, мактавыгыз чын йөрәктән булса, кешеләр дә сезнең белән аралашуны тәкъдир итәрләр.
Хәзер ике төркем сүз тәкъдим итәбез. Сез аларның кайсы төр­кеменнән күбфәк файдаланасыз? Укыгыз да уйлагыз. Гаилә җы­лылыгы да җылы сүзләрдән башлана.

Бер-берегез белән сөйләшкәндә тыела торган гыйбарәләр:
⦁    Мин сиңа мең тапкыр әйттем инде...
⦁     Сиңа күпме кабатларга кирәк...
⦁     Нәрсә турында гына уйлыйсың соң син?
⦁     Син күрмисеңме әллә?
⦁     Син берни дә аңламыйсың, ахры...
⦁     Син хәзер шундый (игътибарсыз, тупас, күңелсез һ. б.)...
⦁     Башкалар тырыша, өлгерә, ә син...
⦁     Нигә миңа һаман бәйләнәсең?
⦁     Әти-әниең дә, үзең дә нәкъ шундый...

Бер-береңә гел әйтергә кирәк гыйбарәләр:
⦁     Син минем акыллым...
⦁     Син минем матурым...
⦁     Синең белән миңа рәхәт, җиңел...
⦁     Син мине һәрвакыт дөрес аңлыйсың...
⦁     Сиңа ышанган кадәр берәүгә дә ышанмыйм... .
⦁     Синнән дә кадерлерәк кешем юк...
⦁     Булганым син минем...
⦁     Син һәрнәрсәне яхшы беләсең, миңа киңәш бир әле...
⦁     Син эшләгән кадәр әйбәт итеп эшли алмас идем...
⦁     Сиңа гел рәхмәт әйтеп кенә торырлык...

Иң мөһиме — үзегезгә нинди мөгамәлә теләсәгез, үзегез дә баш­каларга шундый мөгамәлә күрсәтегез һәм ешрак елмаегыз.