Акыллы ир-ат нинди хатын-кызны кире кага?

Хатын-кыз теләсә кайсы ир-атны үзенә карата ала, диләр. Янына килеп бер сүз катуы җитә – көчле затта шундук кызыксыну туа. Ә менә акыллы чын ир-атка кармак салу алай ук җиңел түгел! Аларның үз карашы, үз талымы. Хатын-кыз үзен күз төшәрлек дип санаса да, ир-егет ни өчен аны урап уза?

1. Тышкы кыяфәттәге үзгәрешләр. Иреннәр зурайтып кабартылган, ясалма керфекләр беркетелгән, биткә тонна косметика сыланган... Акыллы ир-ат җүләр түгел, барысын да аңлый, күрә. Чын йөзе түгел бит! Бите генә түгел, үзе дә маскада дип уйлап куя. Ә бу хатын-кыз аралаша башлауга ук алдаша – тышкы кыяфәте белән алдый.   

2. Ачык кием. Монда да шул ук хәл. Әйе, гадәттә ул ир-атны җәлеп итә. Бу хатын-кыз тарафыннан танышырга, аралашып китәргә чакыру булып аңлашыла. Сизмиме инде шуны акыллы ир-ат?! Шуңа андый кызларны читләтеп уза. Әдәп-әхлак кысалары тәртипле ир-атта башкача күзаллана. 

3. Киемдәге эшлекле стиль. Акыллы ир-ат ачык киемле кызларны яратмый, дип, хатын-кыз эшлекле стильгә туктала. Әмма, кызганыч, болай да ярап булмый икән! Гадәти, үзен ничек бар шулай тота торган кызлар ошый аңа. Эшлекле стильдә киенеп йөргән хатын-кыз иң элек карьерага омтыла. Андыйлар үзара мөнәсәбәтләрдә бәхетле була ала микән – анысы инде икеле. Акыллы ир-ат анысын да мыегына чорнап куя.

Фото: https://ru.freepik.com/free-photo/waist-up-shot-serious-unshaven-male-with-confident-expression-keeps-arms-folded-listens-necessary-information-attentively-wears-stylish-shirt-poses-against-white-wall-people-lifestyle_10421554.htm#fromView=search&page=2&position=14&uuid=4af7cec0-0333-4934-b13d-61176f7609be&query=%D0%BC%D1%83%D0%B6%D1%87%D0%B8%D0%BD%D0%B0