Сорарга оялам да инде...

«Сорарга оялам да инде... Геморрой чире турында яза алмассызмы? Төрекмәнстан, Ташауз өлкәсе, ОТУЗОВА Биби».

Геморрой сүзе грекчадан — кан килү дигән сүзне аңлата. Практик медицинада исә туры эчәктән кан килүне геморрой, диләр. Бу очракта әлеге органдагы кан тамырлары зурая. Авыруның иң беренче билгесе — олы йомыш үтәгәндә тизәктә барлыкка килгән кан тамчылары. Мондый очракта һичшиксез врачка күренергә кирәк.

Геморрой нилектән килеп чыга соң? Аның сәбәпләре күптөрле, әмма нигездә ул утырып эшләүче, аз хәрәкәтләнүче кешеләрдә була. Шулай ук эч кибү, авыр күтәрү, төрле инфекцияләрнең дә моңа сәбәп булуы мөмкин.

Әгәр кеше вакытында дәваланмаса, геморрой төерчекләренең ишәюе, зураюы нәтиҗәсендә кан килү арта. Шул сәбәпле кешенең арт юлы бик нык авырта башлый, еш кына юешләнә, кычыта һәм бозыла.

Бу җәһәттән врач киңәшләрен тоту зарур. Әйтик, геморрой төерчеге ялкынсынганда кеше ятып кына торырга тиеш, шулай ук авырттырмый торган «свеча» кую хәлне яхшырта. Геморрой төерчекләре тышкы якка чыккан очракта исә, аларны зур саклык белән генә кертеп кую чарасын күрегез. Кан килү туктамаса, әлбәттә, ашыгыч ярдәм чакырырга кирәк. Тик авыруны бу чиккә китереп җиткермәскә дә мөмкин ич! Моның өчен геморройны ялкынсындырмаска тырышыгыз. Эш дәверендә (мәсәлән, шофер, бухгалтерларга...) хәрәкәт, физкульт-паузалар булдырырга, җәяү йөрергә, иртән-кичен төрле физйк күнегүләр ясарга кирәк. Шулай ук олы йомышны үтәгәннән соң, арт юл тирәсен җылы су белән чиста итеп юарга, чиста чүпрәк белән корынганчы сөртеп алырга күнегегез.

Эче кипкән кешенең геморрой төерчекләре ешрак ялкынсына һәм алардан кан да ешрак килүчән була. Шуңа күрә геморрой белән авыручы кеше эч кибүне булдырмаска тиеш. Билгеле бер вакытта гына тәрәт итү максатка ярашлы дип санала, ашау режимын саклау да әйбәт нәтиҗә бирә. Күбрәк яшелчә азыклары, мәсәлән, кәбестә, кызыл чөгендер, алма ашау файдалы. Менюга арыш ипие, кефир, кара җимеш (көненә 7-8 не) кертергә кирәк. Берәүләргә иртән салкын су яисә минераль су эчү дә ярдәм итә. Үсемлек мае, бал файдалы. Шуны да исегездән чыгармагыз: каты чәй эчүче, сарымсак ашаучы кешеләрнең эче тиз кибә. Шулай ук әче торма да эчәкне борчый, шуңа күрә, гомумән, андый кешегә әлеге азыкларны ашаудан тыелып торырга киңәш итәбез.

Әгәр инде авыру азып, аны гади ысул белән дәвалауның файдасы тимәсә, операция ясарга тәкъдим ителә.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6295
    3
    51
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6258
    4
    50
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8525
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    7055
    9
    33
Реклама
Соңгы комментарийлар
  • 7 февраль 2023 - 10:21
    Без имени
    Бик зур рэхмэт сезгэ, эйбэтлэп анлаткансыз. Хэзер сезнен рецепт буенча камыр куям эле.
    Төче камыр рецепты
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр