Сабын үләне

Cабын үләне — (мыльнянка лекарственная, красный  мыльный корень) күпьеллык үләнчел үсемлек. Ул  канәферчәләр семьялыгына керә. Тамыры тармаклы, анда нечкә генә төеннәр бар. Сабагы 30-70 см биеклегендә, чәчәкләре хуш исле, чәчәкләре ак та, аксыл-алсу да була. Чәчәге биш таҗлы, орлыгы күп. Ул июньнән башлап, сентябрь аенача чәчәк ата.

Кыргый үсемлек буларак, сабын чәчәге Кавказда, СССРның Европа өлешенең көньяк районнарында үсә. Гадәттә ул урман аланнарында, елга үзәннәрендә, сусаклагычларның комлы ярында үсә. Сабын үләнен безнең урманнарда да очратырга була.

Дәва өчен әлеге үсемлекнең тамыры кулланыла. Тамырдан ясалган төнәтмә какырткыч чара буларак файдаланыла. Халык медицинасында бу тамыр үт, бәвел кудыргыч һәм эч йомшарткыч сыйфатында да кулланыла. Тамыр саркындысын шулай ук ревматизм, төче авыруы, тимрәү булганда, шешек чыкканда кулланалар. 

Хөрмәтле журнал укучыларыбыз, тагын исегезгә төшерәбез, шифалы үсемлекләрне җыйганда бик сак эш итегез. Борынгы бабаларыбызның «берне өзсәң, меңне утырт», дигән борчылып әйтелгән сүзләрен исебездән чыгармыйк.

Сабын үләненең тамырын да саклык белән генә алырга, казыр алдыннан  җиргә аның орлыгын чәчәргә киңәш ителә.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...