Кайсы продуктлар кан тамырларын чистарта?

Өлкән яшьтәгеләр генә кан тамырлары тыгылудан җәфалана дисәк, бу проблема яшьләрне дә борчый икән бит. Дөрес тукланмаган, дөрес яшәү рәвеше алып бармаган кешеләрне тромбоз, тромбофлебит, инсульт кебек авырулар сагалый: әле теге, әле бу даруны эзләп чабалар. Ләкин алар бик эффектлы булмаска да мөмкин. Теләсә кайсы яшьтә дә үз рационыңны үзгәртеп, кан йөрешен яхшырта, кан тамырларын ныгыта һәм канны сыеклый торган азыкларга күчәргә була. 

 

Солы, карабодай, дөге, тары һәм арпа боткалары 

Сүз дә юк, боткалар ашказаны өчен файдалы, алар матдәләр алмашын тизләтә, эч катуларны киметә. Әмма аларның кандагы холестеринны киметүен, төерләр барлыкка килүгә комачаулавын күпләр белмидер дә. Атеросклероз һәм башка йөрәк-кан тамырлары авыруларын булдырмас өчен, менә шул боткаларны ашарга кирәк. Аларны шулай ук диабетикларга, гипертоникларга тәкъдим итәләр. Алар клетчаткага, төрле витаминнарга да бай. 

 

Зәйтүн мае 

Салатларга, боткаларга, яшелчә ризыкларына салкын сыгылыштагы зәйтүн маен кушу бик файдалы. Ул йөрәк-кан тамырлары системасын савыктыра. 

 

Балык 

Майлы балыкта кан тамырларын чистарта торган кислоталар бар. Менюга сардина, сельдь, тунец, лосось балыкларын кертегез. 

 

Помидор 

Помидордагы ликопин матдәсе кан тамырларын чистарта, вена һәм артерияләрне холестерин утырудан саклый. 

 

Сарымсак 

Аның чистарту үзлеген галимнәр күптән раслады инде. Ул кандагы шикәр күләмен дә киметә, канны сыеклый. Тромбларны суыртыр өчен көнгә 3 тырнак сарымсак ашарга кирәк. Шунысын да истә тотарга кирәк: сарымсакны чамасыз ашау – баш мие эшчәнлегенә зыян сала. 

 

Гранат согы 

Ул даруларны алыштыра ала. Кан тамырларын тыгылудан коткара, канны кирәкле элементлар белән баета. Андагы антиоксидантлар яшел чәйдәгедән дә күбрәк. 

 

Кокос сөте 

Бу продуктта кан тамырларына кирәк булган тимер бик күп. Көн саен бер стакан кокос сөте эчсәң, йөрәк эшчәнлеген яхшыртырга, кан басымын җайларга, «начар» холестериннан котылып була. 

 

Кузаклылар 

Пешкән фасоль, ясмык, борчак югары холестеринны киметергә сәләтле. 

 

Кызыл чөгендер 

Холестеринга каршы тора алу үзлегенә ия яшелчә ул. Хроник эчәк авырулары көчәеп китүеннән дә саклый. Җыелган шлаклардан да арындыра. 

 

Кабак 

Диетологлар кабакны иң яхшы углевод чыганагы дип атый, ашап, 30–40 минут узуга, организм тарафыннан эшкәртелә дә башлый. Аеруча кабакның төше файдалы. Аның составында кирәкле микъдарда эфир майлары бар. Ә кабак маендагы май кислоталарын артык килограммнары булган кешеләргә тәкъдим итәләр. 

 

Исегездә тотыгыз: ысланган ризыклар, майлылыгы югары булган сөт продуктлары, пальма мае  – зарарлы!   

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 23 апрель 2021 - 13:15
    Без имени
    Әйе, тормышта бөтен кешенең дә язмышы төрлечә. Мин аңлыйм сезне. Мондый яратышу сирәк. Язмыш шулай кушкандыр. Бергә яшәгез, алдагысы турында күп уйларга яратабыз. Бүген яшәгез: яратыгыз, шашыгыз, хыял дөньясында йөзегез!
    Яраткан кешем 15 яшькә кечерәк
  • 23 апрель 2021 - 11:46
    Без имени
    Бу әсәр татар халкының рухын чагылдыра. Элек ул шундый булган. Хәзер... Күңелгә ятышлы итеп язылган, чын язучы язган шул аны!
    Энҗе бөртекләре
  • 22 апрель 2021 - 17:45
    Без имени
    Бик гүзәл әхләк әсәрдә.Мондый әсәрне уку рәхәтлек бирә
    Энҗе бөртекләре
  • 22 апрель 2021 - 18:20
    Без имени
    АллахыТэгэлэ ярдэменнэн ташламасын.
    ​Cынатмаска иде ничек тә
  • 23 апрель 2021 - 07:03
    Без имени
    Йөзенең нуры калмаган. "Ябригә өйләнгән дә, кияүгә барган да шул кавемгә әйләнә" диләр иде, хактыр күрәсең.
    Җырчы Алсудан бәхет рецепты
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»