​“Татар радиосы”ның баш мөхәррире Айваз Садыйров: “ХИТ – лоторея уены кебек ул”

Концерттан соң без Айваз Садыйров белән әңгәмә корып алдык.


- Айваз, “Татар радиосы” бүгенге көндә татар эстрадасы өчен нинди роль уйный?

- “Татар радиосы” эстрада өчен, беренче чиратта, уңышлы мәйдан. Бүгенге көндә без радиостанцияләр, телеканаллар саны белән мактана алмыйбыз, шуңа да безнең радиостанция иҗатчыларны, җырчыларны халыкка ирештерүче, ишеттерүче орган.

Һәр җырчы үзенең иҗатын, бу очракта җырын, кайда яңгыратырга икәнен үзе сайлый. Бу яктан карасаң, аның иҗатын тыңлаучыларга тиешле дәрәҗәдә җиткерә алучы радиостанция, дип карарга кирәк безне. Безнең бөтен программалар да, имиджыбыз һәм башка эфирдан тыш проектлар радионың үз йөзен булдыру, аны таныла торган итү, тыңлаучыларны җәлеп итү өчен эшли. Әлбәттә, җырчы безгә җырын алып килгәндә, моны күз уңында тота.

Без һәр җәһәттән кызыклы, үтемле, мәгънәле булырга омтылабыз. Бүген без татар телен ничек саклап калырга, дигән зур проблема алдында торабыз. Бу очракта иң үтемле ысул – халыкны күңел ача торган да, шул ук вакытта мәгънәле дә булган тапшырулар һәм сыйфатлы татарча җырлар белән татар мохитенә ияләштерү, телдән биздермәү. Әгәр дә кешегә телеңне сакла, ярат, дип үгет-нәсыйхәт биреп, һәрдаим шуны кабатлап торсаң, ул киресенчә, тискәре мөнәсәбәт уятырга мөмкин. Ә аңа ошый, күңеленә хуш килә торган мәгълүматны ул бер сүзсез кабул итә.

- Концерт программасы хитларга корылган иде. Хит феномены турында ниндидер бер күзаллавыгыз формалаштымы инде?

- Бу иң еш бирелә, шулай ук вакытта ачык булып кала торган сорау. Җырлар турында хит булырга мөмкин, дип ниндидер фараз ясап була, ләкин төгәл әйтү мөмкин түгел. Хит уйламаганда-көтмәгәндә барлыкка килә.

Хитны күпме тыңласаң да туйдырмый. Дөньякүләм практикада да күзәтелә бу күренеш: матур җырны тыңлаган саен тыңлыйсы килә.

Иң популяр тема – мәхәббәт, бу темага язылган җырлар барыбер үз тыңлаучысын таба.

- Көн саен радиода ничә җыр яңгырый ала?

- Тәүлеккә 300гә кадәр, сәгать саен тапшыру төренә карап 8-15 җыр яңгырый.

- Бу концертка билетлар өчәр мең сумнан артып китте бугай. Билет хаклары ничек формалаша мондый концертларда?

- Концертларның билет хакы аны оештыруга киткән чыгымнардан башлана. Казанда, кызганычка каршы, күп халык сыйдырышлы заллар юк. Мәскәүдә, мәсәлән, өчәр мең кешелек заллар бар. Андый вакытта билет хакын арзанрак куеп булыр иде. Билет хакына концертны оештыручы иҗади команда, тавыш, ут куючылар, зал арендасы, костюмерлар, визажист, чәчтарашлар һәм башкаларның хаклары керә. Ул җырчының җырыннан гына түгел, ә концертны оештыруга киткән зур хезмәттән дә формалаша.

Шуны әйтергә кирәк: “Татар радиосы” һәм “Барс-Медиа” җәмгыяте концертларын оештыру эшенә Татарстандагы, кайчак чит төбәкләрдәге иң яхшы профессионалларны гына чакырырга тырыша.

фото Вконтакте челтәреннән алынган
концерт турында: http://syuyumbike.ru/brendlar/?id=6400

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2516
    28
    244
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6436
    2
    95
Реклама
Соңгы комментарийлар
  • 25 октябрь 2021 - 14:20
    Без имени
    фикерлэргэ килгэндэ торлечэ уйларга момкин, эгэрдэ бала эйбэтлэп эйткэннедэ, юмалап эйткэннедэ тынламаса, нишлэргэ сон ул энигэ, улда бит врачка барган саен эшеннэн сорап китэ, балаларда хэзер бик астыртын дип эйтимме, аларча гына булсын,
    Ташка каткан ана йөрәге
  • 25 октябрь 2021 - 15:51
    Без имени
    Таныш ситуация
    Гөлчәчәкнең яңа тормышы
  • 24 октябрь 2021 - 15:57
    Без имени
    Кызганыч хатын!Хатынлы,балалы ирне көтеп узган гомере кызганыч... Бәхетсез хатын,беркатлы...Әгәр ул ир үлеп китсә,хәтирәләр белән генә яшисе кала инде!!
    Көтеп яшәү
  • 24 октябрь 2021 - 17:04
    Без имени
    Бик. кызганыч. елый. елый. укыдым. язмыш. диген
    «Яратудан туган бала түгел мин...»
  • 24 октябрь 2021 - 15:26
    Без имени
    ""Тормыш иптәше сайлаганда хисләргә бирелеп,акылынызны җуймагыз.Сезне яратып,хөрмәт итеп яшәрдәй пар сайларга тырышыгыз''.. Исенә төшкән бу баланың-әниеңне тыңларга кирәк иде, балакаем!
    Иремнән уңмадым 
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан