Помада тотып карамаган хатын-кызлар да бар икән

Җир йөзендә хатын-кыз заты яшәгәндә мода, кием-салым, бизәнү-ясану һәрвакыт актуаль булачак. Россиянең үзәк каналларыннан безне киенергә бер ун еллап өйрәтәләр бугай. Чит илдә инде бу хакта карап туйдылар.

Инде менә чират безгә – татарларга да җитте булса кирәк. «Татарстан Яңа Гасыр» каналында барган «Мин» тапшыруы турында әйтүем.


 

Тапшыруның беренчесе быелның 8 март көнендә эфирга чыккан иде. Аннан соң 12 тапшыру төшерелеп, аның унысын тамашачы күрде инде.

Сүз дә юк, кызык тапшыру. «Татар каналында карарлык тапшыру юк», – дип зарланучыларга җавап әзер хәзер: «Бар!»

Тапшыруның авторы, алып баручысы Гөлназ Сәфәрова әлеге проектны хатын-кызның тышкы кыяфәтен генә түгел, эчке дөньясын да үзгәртү өчен башлап җибәрдек, ди. «Татарның менталитеты шундый бит инде, без үзебезне күрсәтергә кыенсынабыз. «Ой, юк, юк! Мин мондыйны кимим, минем аягым кәкре, мин камерага сөйли белмим. Җәмәгать, кәкре аяк бик тә модада бит ул хәзер! Аннан бер дә оялмаска кирәк», – Гөлназ үзе әнә шулай ди.

Гомумән, тапшыруның тамашачыларда кызыксыну уятканы сизелеп тора. Бик күп хатлар килүе дә шуңа дәлил.

Тапшыруга 18 яше тулган һәркем катнаша ала. Моның өчен үзеңнең нигә үзгәрергә теләвең турында хат кына язып салырга кирәк. Никадәр үзенчәлеклерәк итеп язсаң, тапшыруга эләгү шансың да зуррак. Күбрәк шәһәрнекеләр активтыр инде, дисәк, юк, авыллардан, районнардан да бик күп язалар, ди. «Кемнеңдер ире вафат булган, ул хәзер депрессиядә. Кемнеңдер ире кыйный, аның бу тормышын үзгәртәсе килә. Ә кемнеңдер үзе өчен тамчы да вакыты юк. Әле бер бизнесмен ханым язды. Акчасы да бар, мөмкинлеге дә, фәкать вакыты юк. «Булышыгыз әле миңа. Мин кайчан соңгы тапкыр парикмахерга барганымны да, кайчан күлмәк алганымны да оныттым. Гел эш тә эш», – дип яза ул.

Матурлык студиясе стилисты Лилия Садриева әйтүенчә хәтта безнең заманда да кулына помада тотып карамаган хатын-кызлар бар. «Олы яшьтәге, кайдадыр ерак бер авылда яшәүчеләр түгел, яшь кенә ханымнар алар. Без аларны көндәлек тормышта затлы ханымнар булырга өйрәтәбез. Тапшырудан соң аларның үз-үзләренә карашы үзгәрә, үзләренә куйган бәяләре күтәрелә», – ди ул. Лилиядән хәзер табигый макияж, төрле озынлыкта итеп киселгән чәч, каре, бөдрәләр модада булуын белеп калдык. Акцент күзләргә ясала, калын уклар модада, ди ул. Күзләргә басым ясалгач, иреннәр табигый булу кирәк.

Тапшыруда төшүче ханымнар белән психолог та эшли. Рамил Гарифуллин, иң яхшы психолог, дип камераны атады. Камерада үзен тотарга өйрәнгән хатын-кыз инде иң зур чыныгу алган була. «Кешене аның үзенең позасы аша гына үзгәртеп була, – диде ул. – Бөтен хатын-кызларның да алиһә буласылары килә. Әмма үз «мин»ен саклаучылар гына алиһә булып кала ала. Үз «мин»не саклап калу күпләргә бирелми. Җәмгыять аларга төрле рольләрне тага: ул яхшы хатын, яхшы әни, яхшы коллега булырга тиеш».

 

«Тапшыруга төрле кешеләр килә, алар белән эшләгәндә төрле хәлләр була, – ди Гөлназ. – Бер ханым белән өч сәгать күлмәк сайладык. Анысын киеп карыйбыз, монысын. «Сезгә ошыймы?» – дисәң, «Пф-фф-фф! Миңа барыбер», – дип кенә җавап бирә. «Хәзер нишләргә инде. Күпме төшердек, прическалар ясаттык, инде кире борыйк микәнни?» – дип тә уйлап куйдым хәтта. Ә берсендә студиядә ут бетте. Икенче студиягә киттек. Урамда яңгыр коя. Героинябызның бөтен прическасы бозылды, кабаттан ясатырга туры килде. Тапшыруларны 24 шәр сәгать буе төшергән бар. Өйгә шулкадәр арып-талып кайтып егыласың. Аннары эшеңнең нәтиҗәсен күреп, син үзгәрткән героиняң камерага елмаеп: «Мин!» ди икән, бөтен арганнарың сыпырып кына алган кебек була да куя».

 

Әгәр дә тапшыруда катнашырга теләсәгез:

Сезгә 18 яшь тулган булырга;

Сез үзгәрергә әзер булырга;

Үзегез турында хат язарга;

Тапшыруны төшергәндә Казанда тукталырга туганнарыгыз булырга тиеш.

 

Тапшыруда катнашкан өчен сездән бер тиен дә алмаячаклар. Прическа, макияж, маникюр сезгә бүләк булачак, киемнәрне исә тапшыру вакытында гына биреп торачаклар. Ә бүләкнең иң зуры – сез бу тапшырудан үз-үзегезгә ышанып, комплексларыгызны җиңеп, бөтен дөньяга «МИН!» дип әйтергә өйрәнеп кайтып китәчәксез. Килешегез, аның монысы иң кыйммәте дә бит.



 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4388
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12869
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2718
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10848
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13433
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда