Илсөя Бәдретдинова нәрсә ашап «түгәрәкләнгән»?

«Ялдан кайткач, улымның тренеры белән сөйләштем. Биш килога түгәрәкләнеп кайттым, нишләргә инде миңа хәзер, дим. Мине аяктан ега торган әйбер әйтте: «Фрукты ашаган идеңме?» Әйе, дидем. 
Хатын-кызның җиләк-җимеш кенә ашыйм, ябыгам дип әйтүе шулкадәр ялгыш фикер икән... Ябыгучыларга җиләк-җимеш бөтенләй ярамый, ди! Карбыз белән кавын да... Аларны бергә ашау «убийственная смесь», ди. Аралары бер сәгать булуы кирәк икән. Ит ашагыз, яшелчә ашагыз, ди. Җиләк-җимешкә караганда, утырып макарон ашавың хәерлерәк, диде. Җәйге җимешләрне ашап җыйган авырлыкны ташлап та булмый, ди, хәтта! Ә мин арбуз ашыйм да, кавын ашыйм... Сәгать икегә кадәр генә ашарга ярый икән җиләк-җимешне. Мин алтыдан соң гына ашый башлыйм әле, гомумән. Кыяр, яшел борыч ашасаң әйбәт икән. Сельдерей – биргән энергиясенә караганда, аны эшкәртү өчен ашказаны тагын да күбрәк энергия сарыф итәргә мәҗбүр булган дөньяда бердәнбер үсемлек икән! Организмда кыярдан да  калория кала. Ә сельдерейдан берни калмый, киресенчә, булган калорийлар да яна икән...
Сельдерейдан мантый пешереп булмый микән?» 

Алсу ШАКИРОВА әзерләде